Drapeu de l'American Indian Movement« Arestatz la terror a Pine Ridge ! » Article dau n°2 d’Osawatomie (printemps 1975), jornau clandestin dau Weather Underground, consacrat a la repression de l'American Indian Movement dins la reserva amerindiana. La mesma annada, Leonard Peltier n'i fuguet arestat e botat en preison, acusat dau murtre de dos agents dau FBI. L'article, li, assegura que dempuèi lu 1er de març 1975, dos ans après la revòlta de Wounded Knee, set membres o simpatisents de l'AIM, dont doas femas e un pitit, fugueten assassinats.
L'American Indian Movement (AIM) (Movement dels Indians d'America o Movement daus Indians d'America en occitan) es un grope de drechs civiles daus indians daus Estats Units. Es fondat a Minneapolis-Saint Paul per Dennis Banks e Clyde Bellecourt emb lu sosten de l'attorney Douglas Hall e l'avocat daus Black Panthers Matt Eubanks[1].
