L'Amassada de l'An XIII que ho convocada entau representant de las Províncias Unidas de l'Arriu de la Plata qui s'èra emancipadas de l'autoritat coloniau espanhòla mes shens non pas declarar la loa independéncia totun. A maugrat qui tots los representants non i arrecotín pas e que non declarè tostemps pas aubertament l'independéncia e non redactè pas tanpauc nada constitucion, que promulguè totun ua seria de decrets determinants istoricament e politicament :

• Abolicion deus títols de noblessa e deu dret d'ainessa.
• Abolicion de l'inquisicion e de la tortura.
• Abolicion deu trafic d'esclaus.
• Libertat de venta (ua abolicion de l'esclavatge limitada au tot òmi vadut suu territòri de las Províncias Unidas entà evitar ua huèita massiva d'esclaus de Brasil e ua guèrra dab aqueth país au moment qui las Províncias Unidas b'èra en guèrra entà la loa independéncia).
• Supression deu tribut exigit aus pòbles originaris d'America.
• Trucatge de la nava moneda nacionau.
• Comanda de la redaccion d'un imne nacionau.

Se l'Amassada de l'an XIII be marquè la fin de l'esclavatge, la soa abolicion definitiva e oficiau e incondicionau que hore promulgada per la Constitucion de 1853.