Alfred Hitchcock
Alfred Hitchcock vers 1955.

Alfred Hitchcock (Leytonstone, Londres, lo 13 d'agost de 1899 – Los Angeles, lo 29 d'abriu de 1980) que ho un cineasta britanic d'origina catolica irlandesa e, mei tard, tanben nòrd-american. que comencè la soa carrièra au Reiaume Unit abans de contunhar dens los estúdios de Hollywood, en Califòrnia.

Qu'ei considerat com un deus directors de filmes màgers deu Reiaume Unit e tanben dens l'istòria deu cinèma, avent hargat, au cors d'ua carrièra de gaireben 60 annadas e començada dab lo cinèma mut per contunhar dab lo parlant, un lengatge audiovisual especific entà jogar dab las emocions deu public, l'inclúser dehens l'imatge dab moviments de camèra imitant los d'un espiar uman e dab fins a còp inesperadas e contèxtes criminaus e estranhs sovent.

Enter los sons filmes mei coneguts (53 que'n va har...), ^[1] que podem mentàver :

• L'òmi que'n sabè tròp (1934...lo filme mei famós dilhèu de la tempsada britanica)
• Las 39 gradas - 1935
• Ua dauna e dispareish - 1938
• Rebecca
• La còrda - 1948
• L'estranger dens lo tren - 1951
• L'òmi que'n sabè tròp (version de 1956)
• M com Murtre - 1954
• Hièstra indiscreta - 1954
• Problèmas dab Harry - 1955
• Lo faus copable - 1956
• Verdigòu - 1958
• La mort a las cauças - 1959
• Psicòsi - 1960
• Los ausèths - 1963
• Marnie - 1964
• Frenesia - 1972...

Aquesta seccion es voida, pas pro detalhada o incompleta. Vòstra ajuda es benvenguda !

Aquesta seccion es voida, pas pro detalhada o incompleta. Vòstra ajuda es benvenguda !

^[2]

• • • Cinema is emotion.
  • L'ànsia es d'impossible suportar sens umor. Es la mescla que fa lo plaser.
• Un filme es ges una lesca de vida: es una lesca de pastís.
• Las femnas son coma lo suspense. D'ont mai despertan l'imaginacion, d'ont mai fan nàisser d'emocions.
• I a pas cap terror dins un còp de fusilh, sonque dins son anticipacion.
• Lo teatre es la vida, sens los sieus moments d'enòdi.
• Una femna de mistèri es qualqu'un qu'a una certa maturetat e que los sieus actes parlan mai que non pas sos mots.
• Un murtre sens cisèls que lusisson es coma d'espargues sens salsa olandesa. Cap gost.
• L'oquei gèl es una mescla sabenta de lisar acrobatic e de Segonda Guèrra Mondiala.
• Los actors deurián èsser tractats coma bestiam. ^[3]
• La durada d'un filme ne deuriá èsser directament ligada a la capacitat de la veissiga umana.
• Per ieu lo cinèma son quatre cents fautuèlhs que los me devi emplenar.
• Fins que lo marit se n'aja pas entendudas totas las paraulas que la siá molhèr non diguèt, ne serà pas jamai maridat de verai.
• Çò que mai me n'espanta? Los mainadòts.
• Per ne redolar a l'azard, cal èsser sol. Tre que ne sèm dos, se n'anam sempre endacòm.
• Tot çò qu'es dich e non mostrat es perdut per l'espectator.
• Li ne demandar a un òme que conta d'istòrias de ne téner compte de çò versemblant me ne sembla tan ridicul coma li ne demandar a un pintor figuratiu de representar las causas amb exactitud.
  • Imaginatz un òme assetat sul sieu sofà preferit a l'ostal. Jos el i a una bomba a mand d'espetar. El o sap pas cap mas òc-ben-òc lo public o sap. Es aquò lo " suspense ".
    • L'autoplagiat es estil.
      • I a quicòm mai important que la logica: es l'imaginacion.

• (en) Alfred Hitchcock sus l’Internet Movie Database
• (fr) Sit suber n'Alfred Hitchcock

<references>

1. ↑ shens los telefilmes de Alfred Hitchcock presents que'n va realizar d'aubuns...
2. ↑ Çai botarem las citacions en lengadocian, qu'es un capítol a despart dins l'article...
3. ↑ ... sic!!!