L’Agéncia Internacionala de l'Energia Atomica (AIEA) es una organizacion internacionala que fa partida dau sistèma dei Nacions Unidas. Fondada en 1957, despend dirèctament dau Conseu de Seguretat. Es basada a Viena e es encargada de promòure leis usatges pacifics de l'energia nucleara e de limitar lo desvolopament d'aplicacions militaras. Per aquò, pòu realizar d'inspeccions d'installacions nuclearas, definir d'estandards de seguretat e establir de liames entre país per facilitar la recèrca sus leis utilizacions pacificas de l'energia atomica.
