Åge Danielsen (fødd 22. juni 1942 i Narvik) er ein sosialøkonom som var norsk administrerande direktør ved Rikshospitalet HF i Oslo frå 1997 til 2008.

Danielsen vart utnemnd til stillinga i statsråd i 1996, og tiltredde 1. februar 1997.^[1] Tidlegare hadde han vore tilsett som fylkesrådmann i Nordland, direktør for Nordland distriktshøgskole, departementsråd i Forsvarsdepartementet og administrerande direktør i Statskonsult.

I februar 2008 vart det kjent at Åge Danielsen som sjukehusdirektør sette i gang bygging av sjukehotell på Radiumhospitalet utan at finansieringa var godkjend av dei rette styresmaktene. Byggeprosjektet hadde til då kosta 30 millionar kroner. Fleirtalet i sjukehusstyret vurderte tilhøvet og fann den 29. februar at føretaket var best tent med at administrerande direktør gjekk av.

• Styreleiar Norsk utenrikspolitisk institutt (1996-1999)
• Styreleiar Statistisk sentralbyrå (1994-2002),
• Styremedlem Norges allmennvitenskaplige forskningsråd (1987-1990)
• Styreleiar i Norges Råd for anvendt samfunnsforskning (NORAS) (1991-1993)
• Styreleiar for Svalbard Samfunnsdrift A/S (1989-1992)
• Styreleiar i Forsvarsbygg^[2]
• Styreleiar i Bouvet ASA (2009 - )

• Omsett frå Wikipedia på bokmål, innhenta måndag 4. januar 2010, klokka 23:53.

• «Åge_Danielsen» i Store norske leksikon, snl.no.