William Nygaard
Fødd	6. februar 1865 Kristiansand kommune
Død	19. desember 1952 (87 år)
Statsborgar av	Noreg
Parti	Frisindede Venstre (1909; 1933)
Yrke	politikar
Far	Marius Nygaard
Ektefelle	Constance Nygaard
Barn	Mads Wiel Nygaard, Constance Wiel Schram, Andreas Nygaard
Alle verv	stortingsrepresentant (1922–1924) vararepresentant til Stortinget (1916–1918) partileiar (Frisindede Venstre, 1912–1915)

William Martin Nygaard (6. februar 1865–19. desember 1952) var ein norsk forleggjar og politikar. Nygaard var fødd i Kristiansand som bror til Kristen Brunfeldt Nygaard og Finn Nygaard, gift med Constance Wiel, far til sju born, mellom andre Mads Wiel Nygaard og Andreas Melchior Wiel Nygaard, farfar til William Nygaard d.y.. I 1894 kjøpte han Drammensveien 99 og flytta inn med familien sin. Det er i hagen utanfor Drammensveien 99 dei velkjende hagefestane til Aschehoug no finn stad kvar seinsommar.

Han vart tilsett i H. Aschehoug & Co.s bokhandel i Kristiania i 1887. I lag med Thorstein Lambrechts kjøpte han i 1888 både bokhandelen og forlaget, og i 1900 vart han eineeigar av forlaget og det skifta namn til H. Aschehoug & co (W.Nygaard). Han var direktør for forlaget til 1940 då sonen Mads Wiel Nygaard tok over og han sjølv fortsette som formann i styret for forlaget.

I 1895 tok William Nygaard initiativet til skipinga av Den norske Forleggerforening der han også vart formann.

William Nygaard var medlem i Oslo bystyre frå 1908–1919 og i 1910 var han med og skipa partiet Frisinnede Venstre. Han var stortingsrepresentant for Frisinnede Venstre frå 1922–1924.

• Erik Rudeng: William Nygaard : 1865-1952 (Aschehoug, Oslo, 1997) ISBN 82-03-26111-6
• Oppføringa for Drammensveien 99 i folketeljinga 1900
• Utdjupande artikkel om Nygaard i NBL, skriven av Egil Tveterås.
• Biografisk informasjon om William Nygaard NSD Norsk senter for forskningsdatas politikararkiv