Vitry-le-François er ein by og kommune nordaust i Frankrike. Han er sous-préfecture (underprefektur) i departementet Marne i regionen Champagne-Ardenne og har om lag 17 000 innbyggjarar.
Byen ligg ved elva Marne. Om lag 10 km søraust for byen ligg den største kunstige innsjøen i Frankrike, Der-Chantecoqsjøen.
Historie
Byen har fått namn etter Kong Frans I av Frankrike, som lét innbyggjarane byggje opp att byen etter at hæren til Karl V av Det tysk-romerske riket hadde lagt byen grus. Han vart derimot ikkje bygd opp att på nøyaktig same stad. Landsbyen Vitry-en-Perthois, tidlegare kalla Vitry-le-Brûlé, ligg i dag på den gamle staden.
