Verdscupen i langrenn for kvinner i 1985-sesongen omfatta 14 tevlingar, av dei 10 individuelle renn og 4 stafettar. Tevlingane tok til 13. desember 1984 og vart avslutta 17. mars 1985. Dei ti individuelle renna bestod av tre tevlingar over 5 kilometer, fem over 10 km og tre 20-kilometerar. Renna fann stad i Val di Sole (2) i Italia, Davos i Sveits, Seefeld (3) i Austerrike, Klingenthal i Aust-Tyskland, Nové Město na Moravě i dåverande Tsjekkoslovakia, Syktyvkar i dåverande Sovjetunionen, Lahti i Finland, Falun (2) i Sverige og Oslo (2) i Noreg.

Fire norske langrennarar toppa verdscuplista ved sesongslutt. Anette Bøe vann FIS-pokalen, på dei neste plassane kom Grete Ingeborg Nykkelmo, Brit Pettersen og Berit Aunli. Bøe sigra i fem tevlingar, Pettersen, Aunli og Nykkelmo i eit renn kvar. Raisa Smetanina frå Sovjetunionen og svenske Marie Risby var dei einaste som vann eit renn utanom dei norske kvinnene.

Plass	Utøvar	Land	Poeng
1	Anette Bøe	Noreg	144
2	Grete Ingeborg Nykkelmo	Noreg	123
3	Brit Pettersen	Noreg	113
4	Berit Aunli	Noreg	96
5	Evi Kratzer	Sveits	94
6	Anfisa Romanova	Sovjetunionen	91
7	Ute Noack	Aust-Tyskland	91
8	Marie Risby	Sverige	85
	Raisa Smetanina	Sovjetunionen	85
10	Marja-Liisa Hämäläinen	Finland	80
11	Anne Jahren	Noreg	74
12	Julija Sjamsjurina	Sovjetunionen	60
13	Antonina Ordina	Sovjetunionen	53
14	Ljubov Zimjatova	Sovjetunionen	51
15	Lilija Vasiltsjenko	Sovjetunionen	47
16	Tamara Tikhonova	Sovjetunionen	47
17	Viera Klimková	Tsjekkoslovakia	42
18	Simone Opitz	Aust-Tyskland	42
19	Marianne Dahlmo	Noreg	40
20	Karin Lamberg	Sverige	40
	Dagmar Švubová	Tsjekkoslovakia	40
22	Alžbeta Havrančíková	Tsjekkoslovakia	39
23	Marie Johansson	Sverige	34
24	Anna-Lena Fritzon	Sverige	32
25	Gaby Nestler	Aust-Tyskland	32

• Sportsboken 85-86. Sportsboken As. Stavanger 1985.