Velferdstinget i Bergen

Velferdstinget Vest, tidlegare Velferdstinget i Bergen, er det øvste studentorganet i Studentsamskipnaden på Vestlandet (Sammen), tidlegare Studentsamskipnaden i Bergen (SiB). Det er ei samanslutning mellom studentdemokratia til alle utdanningsinstitusjonane som er tilknytte samskipnaden. Til saman sit det 31 representantar i Velferdstinget.[1] Velferdstinget i Bergen vart stifta 7. oktober 1997.[2]

Føremål

Føremålet er å gje studentane i Haugesund, Stord, Bergen, Sogndal og Førde ei felles røyst andsynes Sammen og andre aktørar i studentvelferdssaker.

Velferdstinget avgjer fordelinga av den delen av semesteravgifta som primært går til studentkultur, studentmedia og studentidrett. I tillegg vel Velferdstinget halvparten av styremedlemma i Sammen, inkludert leiar som har dobbeltstemme. Velferdstinget vel òg studentrepresentantar til alle andre råd og utval i Sammen.[3]

Representasjon

Dei lokale studentdemokratia tilknytte SiB avgjer sjølve kven som skal representere dei i Velferdstinget. Talet på representantar frå kvart studentdemokrati avgjerast av studenttalet.

Noverande representasjon, sortert etter storleik og mandat[1]:

Alle studentar tilknytte Sammen har møte-, tale- og forslagsrett i Velferdstinget, og kan stille til alle verv som Velferdstinget vel til.

Utøvande organ

Velferdstinget sitt arbeidsutval (VT-AU) er Velferdstinget sitt utøvande organ. [4]. Kulturstyret er Velferdstinget sitt utøvande organ i kultursaker.[5] Budsjettkomitéen er Velferdstinget sitt organ for søknadshandsaming og innstiller på fordeling av semesteravgifta kvart år.

Leiarar

Velferdstinget har hatt fylgjande leiarar

2017: Mia Milde

2016-2017: Sverre Hartveit

2015-2016: Linnea Reitan Jensen

2014: Tor Sivertsen Prestegard

2013: Anna Gjertsen

2011-2012: Audun Kjørstad

2010: Bjørn-Anders Hind

2009: Katrine Sirnes Hjellum

2008: Erlend Sleire

2007:

2006: Mari Helen Varøy

2005: Erik Sandquist

2004:

2002-2003: Aimar Akholt

2001:

2000: Arild E. Helgøy

1999: Sveinung Fjose

1998: Kjetil Torpp

1997: Ingen leiarkandidat ved konstituerande møte i desember

Referansar

  1. ↑ 1,0 1,1 Velferdstinget sin samansetnad. Henta 2014-08-30
  2. ↑ «Artikkel i avisa Studvest». Arkivert frå originalen 6. april 2012. Henta 24. oktober 2012. 
  3. ↑ «Styret til Studentsamskipnaden i Bergen». Arkivert frå originalen 19. oktober 2012. Henta 24. oktober 2012. 
  4. ↑ «Om arbeidsutvalet». Arkivert frå originalen 24. mars 2012. Henta 24. oktober 2012. 
  5. ↑ «Om Kulturstyret». Arkivert frå originalen 24. mars 2012. Henta 24. oktober 2012. 

Bakgrunnsstoff