Theodor Søvig

To jekter og ein skonnert måla av Theodor Søvig i 1880.

Theodor Søvig (1840–1892) var ein norsk målar frå Fana.[1]

Han studerte ved Tegneskolen i Bergen, der han fekk diplom i 1858. Han lærte målarkunst hjå Frederik Martin Sørvig. Søvig blei målarmeister i Bergen i 1860, og byrja etterkvart å måla skipsportrett og anna maritim kunst. Søvig måla hovudsakleg oljemåleri. Han stilte ut i Noreg og utlandet, mellom anna i London i 1883. Han døydde i Fana.[1]

Det finst verk av Søvig ved Bergen Sjøfartsmuseum,[2] Historisk museum i Bergen,[1] Norsk Sjøfartsmuseum i Oslo og Sjöhistoriska museet i Sverige.[3]

Kjelder

  1. ↑ 1,0 1,1 1,2 Bjørklund, Jarle (20. februar 2017). «Theodor Søvig». Norsk kunstnerleksikon (på norsk bokmål). 
  2. ↑ «Maleri», digitaltmuseum.no, henta 21. august 2021 
  3. ↑ «Toppsegelskonert, råsegeljakt», digitaltmuseum.se, henta 21. august 2021