7 (sju, frå norrønt sjau^[1]) er det naturlege talet som kjem etter 6 og før 8. 7 er det fjerde primtalet mellom 5 og 11.

Talet sju kan indikerast med prefikset hepta- (frå gresk) eller sept(ua)- (frå latin).

Ordenstalet som svarar til talet sju, er sjuande (7.).

Talet 7 har lenge hatt ei særskild stilling i fleire kulturar. Sidan antikken har veka hatt sju dagar, og ein snakka om dei sju underverka. I kristen katolsk tradisjon har ein snakka om dei sju dødssyndene og dei sju dygdene.