Soneren er ein innsjø som ligg i Sigdal kommune i Buskerud. Elva Simoa renn inn i og ut av innsjøen, som òg har tilløp frå Eidalselva og Horga.
Soneren har fått ein plass i norsk kunsthistorie. Biletkunstnaren Theodor Kittelsen valde å bygge heimen sin Lauvlia på ei tomt like ved. Frå atlierevindauget sitt hadde han storarta utsikt til fjellet Andersnatten, som speglar seg i vatnet. Dette motivet måla han om og om igjen.
