So You Want to Be a Rock 'n' Roll Star

So You Want to Be a Rock 'n' Roll Star
singel av The Byrds
frå albumet Younger Than Yesterday
B-side

«Everybody's Been Burned»

Utgjeve 9. januar 1967
Innspelt 28. november til 1. desember 1966, Columbia Studios, Hollywood, CA
Sjanger Rock
Lengd 2:05
Selskap Columbia
Låtskrivar(ar) Jim McGuinn, Chris Hillman
Produsent Gary Usher
The Byrds-kronologi 
«Mr. Spaceman»
(1966) 		So You Want to Be a Rock 'n' Roll Star «My Back Pages»
(1967)


«So You Want to Be a Rock 'n' Roll Star» er ein song av det amerikanske rockebandet The Byrds, skriven av Jim McGuinn og Chris Hillman. Songen kom ut på albumet deira Younger Than Yesterday i 1967,[1] men vart først gjeven ut som singel den 9. januar 1967. Singelen nådde 29. plass i USA, men nådde ikkje lista i Storbritannia.[2][3] Songen vart inspirert av den intensive publisiteten kring danninga av The Monkees, som nettopp hadde hatt debut på fjernsynsserien sin i USA, slik at det fabrikerte bandet vart internasjonalt kjende.[4] Dette fekk Hillman og McGuinn til å sjå på den dåverande tilstanden til popverda med litt meir kynisme.[5][4]

Musikalsk dannar 12-strengsgitaren til McGuinn og basslinja til Hillman kjernen i songen.[6][7] Hillman har fortalt at han lagde basslinja i songen under ei innspeling for den sørafrikanske musikaren Hugh Masekela.[7] Maskela spelar trompet på songen, noko som var første gong Byrds nytta blåseinstrument på ei innspeling.[8][7] I tillegg kan høyran skrikande tenåringsjenter på songen. Desse hyla vart spelt inn den 15. august 1965 under ein konsert med The Byrds i Bournemouth.[9][4]

Songen finst på fleire samleplater med The Byrds, samt konsertutgåve på (Untitled) og Live at the Fillmore - February 1969 og Live at Royal Albert Hall 1971.[1]

Andre utgåver

Andre artistar som har spelt inn songen er mellom andre The Patti Smith Group, Tom Petty and the Heartbreakers, Black Oak Arkansas, Roxette , Golden Earring, Jon Bon Jovi, Crowded House og Pearl Jam.

Kjelder

  1. ↑ 1,0 1,1 «Younger Than Yesterday review». Allmusic. Henta 18. oktober 2010. 
  2. ↑ Hjort, Christopher. (2008). So You Want To Be A Rock 'n' Roll Star: The Byrds Day-By-Day (1965-1973). Jawbone Press. s. 118. ISBN 1-90600-215-0. 
  3. ↑ Whitburn, Joel. (2008). Top Pop Singles 1955-2006. Record Research Inc. s. 130. ISBN 0-89820-172-1. 
  4. ↑ 4,0 4,1 4,2 Rogan, Johnny. (1998). The Byrds: Timeless Flight Revisited (2nd utg.). Rogan House. s. 193. ISBN 0-95295-401-X. 
  5. ↑ «The Monkees Biography». Allmusic. Henta 18. oktober 2010. 
  6. ↑ «The 40 Greatest Gitar Albums Of 1967». Keyboard Magazine. Henta 18. oktober 2010. 
  7. ↑ 7,0 7,1 7,2 «Younger Than Yesterday». ByrdWatcher: A Field Guide to the Byrds of Los Angeles. Henta 18. oktober 2010. 
  8. ↑ Frame, Pete. (Februar 1973), «History of The Byrds», Zigzag (London) 
  9. ↑ Hjort, Christopher. (2008). So You Want To Be A Rock 'n' Roll Star: The Byrds Day-By-Day (1965-1973). Jawbone Press. s. 60–61. ISBN 1-90600-215-0. 

Bakgrunnsstoff