Spirit sende dei siste signala attende til jorda 22. mars 2010, då vetteren hadde byrja å setja inn og den tilgjengelege solenergien minka. Roveren hadde då vore operativ i over seks år, medan den planlagde levetida låg på tre månader. NASA melde offisielt at Spirit-prosjektet var over 25. mai 2011 etter at ein ikkje lukkast i å koma i kontakt med Spirit då våren kom. [1]
Fargepanorama i nær-ekte fargar som viser åsformasjonane namnsett til minne om Apollo 1-astronautane. Forsenkinga «Sleepy Hollow» ligg midt på biletet. Dei mørke felta er avtrykk etter luftputene som sikra ei mjuk landing på Mars.Steinformasjonar nær toppen av «Husband Hill», den høgste av åstoppane i Columbia Hills.
