Ringsaker kyrkje
kyrkje
Stad	Ringsaker, Hedmark
Lengd	Full lengde 40,3 m, skip 21,3 m, breidde med tverrskip 38,5 m m
Periode	Romansk
Arkitekt	Ukjent
Teknikk	Mur, tønnekvelv i skip, krysskvelv i kor
Material	Kalkstein
Tårn	Over austre del av skipet
Portal	Vestportalen har søyler og terningkapitel
Kor	Med sakristi 14,5x15,9m
Skip	Midtskip, sideskip, tverrskip
Preikestol	1704, Barokk, Lars Jensen Borg
Døypefont	1704, barokk, Lars Jensen Borg
Altar	Altarskåp 1520-åra, Antwerpen Belgia. På utsida martyriar, på innsida Kristi liding, død og himmelfart , helgenar med attributtar.
Ringsaker kyrkje 60°54′10″N 10°43′29″E / 60.90277778°N 10.72472222°E / 60.90277778; 10.72472222
Wikimedia Commons: Ringsaker kirke

Ringsaker kyrkje er ei steinkyrkje med både krossform og basilikaform^[1] i Ringsaker kommune i Innlandet. Kyrkja stod ferdig kring midten av 1100-åra og er vigd til Heilag Olav. Tverrskipa vart lagt til og koret utvida i gotikk på 1200-talet, tårnspiret (64 m) vart reist i 1694. Stilistisk er kyrkja i slekt med Gamle Aker kyrkje, Nikolaikyrkja på Gran og den gamle domkyrkja på Hamar. Stilidealet var Hallvardskatedralen som låg nordaust for torget i Gamlebyen i Oslo.

Ronald Fangen er gravlagd ved Ringsaker kyrkje.

Byggverket er i kalkstein og har 400 godkjende plassar (Kyrkjebyggdatabasen oppgjev 300 plassar^[2]). Kyrkja er prostesete i Ringsaker prosti og soknekyrkje for Ringsaker.

Tårnspiret når 64 meter over bakken og er bygd av Iver Helmen frå Gran i 1694. Det var ei viktig pilegrimskyrkje fram til reformasjonen då pilegrimsvandringane tok slutt. I nyare tid er den ofte vitja av vår tids pilegrimsvandrarar og andre turistar. Den er kjent for god akustikk og det er mange konsertar med klassisk kyrkjemusikk - kyrkja blir også brukt til innspelingar.

• 
  Mot koret

  Foto: Karl Brodowsky
• 
  Altarskåp frå ca. 1520

  Foto: Peter Fiskerstrand
• 
  Døypefont av Lars Borg (1704)

  Foto: Øyvind holmstad
• 
  Dåpshus frå RIngsaker kyrkje, no på Norsk Folkemuseum

  Foto: Anne Lise Reinsfelt
• 
  Det gamle orgelet på vestgalleriet, som no er fjerna

  Foto: Øyvind Holmstad
• 
  Veggmåleri

  Foto: Øyvind Holmstad

• Ekroll, Øystein, Stige, Morten, Havran, Jiri, Middelalder i stein bind 1 i serien Kirker i Norge, Oslo 2000, ISBN 82-91399-09-3
• Per Granverg (1995). «Ringsaker kirke». I Egil Enemo og Trond Røhnebæk. Kirker i Ringsaker. Brøttum, Furnes, Nes, Ringsaker og Veldre historielag. s. 25-36. ISBN 82-991756-8-2. 
• Alf Henry Rasmussen, red. (1993). «Ringsaker kirke». Våre kirker. Norsk kirkeleksikon. Kirkenær: Vanebo forlag. s. 636. ISBN 82-7527-022-7. 

• «Ringsaker kyrkje». Kirkesøk. Den norske kyrkja. 
• Ringsaker kyrkje i kulturminnesok.no, nettstaden til Riksantikvaren