Rickie Lee Lambert (fødd 16. februar 1982 i Kirkby i Merseyside) er ein engelsk tidlegare fotballspelar. Han var midtspiss på Southampton FC og engelske landslagsspelar 2013-14.
Klubbspel
Lambert spelte fleire år for klubbar i lågare divisjonar. Han fekk kontrakt med Southampton som 27-åring i 2007 og bidrog til at Southampton rykkte opp i Premier League i 2012. I 2011/12-sesongen var han toppskårar i nest høgste divisjon, Football League Championship, og kåra til årets spelar på nivå 2. Etter to sesongar i toppdivisjonen med Southampton vart han i 2014 overført til Liverpool FC. Sommaren 2015 gjekk turen til West Bromwich Albion. I september 2016 byrja han spele på Cardiff City. Same hausten vart han skadd, og kom seg ikkje tilbake i god form. La opp sommaren 2017.
Landslagsspel
Lambert landslagsdebuterte som innbytar då England møtte Skottland på Wembley stadion 14. august 2013. Han vart matchvinnar då han la på til 3-2 i det 70. minutt av kampen. Fram til 18. november 2014 deltok han i 11 landskampar. Under VM i fotball 2014 fekk han eit innbyte då England tapte 1-2 mo Uruguay. Han skåra i alt 3 landslagsmål.
Kjelder