«Reconsider Baby» er ein bluessong gjort i vestkyst-bluesstil som er spelt av mange bluesartistar og andre artistar.^[1] Lowell Fulson sin «Reconsider Baby» vart ein hitt på Topp 10 på R&B-lista i USA og er anerkjent av Blues Foundation Hall of Fame og Rock and Roll Hall of Fame.

I 1954 skreiv Lowell Fulson og spelte inn «Reconsider Baby» som den første singelen sin for Checker Records, eit selskap under Chess Records. Songen var ein 12-taktsblues i middels tempo med ein gitarsolo av Fulson. Songen vart ein hit og låg 15 veker på R&B-lista der han nådde tredjeplass som høgaste plassering.^[2] I 1993 vart «Reconsider Baby» innlemma i Blues Foundation Hall of Fame i kategorien «Classics of Blues Recordings».^[3] Songen er òg på lista til Rock and Roll Hall of Fame over dei 500 songane som forma Rock and Roll.^[4]

Mange andre artistar har spelt inn songen, mellom andre:

• 1960 – Elvis Presley frå Elvis is Back!
• 1964 – Bobby Bland frå Ain't Nothing You Can Do.
• 1966 – Magic Sam som «Hate to See You Go» frå Magic Touch.
• 1969 – Ike and Tina Turner frå Outta Season.
• 1972 – Freddie King frå The Texas Cannonball.
• 1994 – Eric Clapton frå From the Cradle.
• 2004 – Joe Bonamessea frå Had to Cry Today.