Pytt (av norrønt pyttr)^[1] er ei naturleg oppsamling av vatn som kan vera på storleik med eit lite tjern eller mindre, til dømes ein mellombels dam etter nedbør (jf. sølepytt). Pyttar kan også oppstå i tilfeldige hol eller fordjupingar i bakken ved lågvatn.

Mindre dyr, som fuglar og insekt, kan bruka pyttar som kjelde til drikke, bading eller næring. Svaler bruker fuktig jord frå pyttar som ein slags sement til å bygga reira sine. Mange sommarfuglar og ein del andre insekt hentar næringsstoff som salt og aminosyrer frå pyttar.^[2]

• 
  Ein pytt på ein veg.
• 
  Fleire pyttar på ein grusveg.
• 
  Pyttar danna ved lågvatn.
• 
  Gravand som drikk frå ein pytt.