Paul Simon in Concert: Live Rhymin' er eit konsertalbum av Paul Simon som kom ut i april 1974 på Columbia Records. Det vart spelt inn under turneen til Simon i 1973 og 1974 etter There Goes Rhymin' Simon. Albumet var berre ei forkorta utgåve av konsertane han spelte, der han kunne spele opp mot 24 songar.

Det står ikkje på plateomslaget kvar songane er innspelte. Simon hadde med seg Urubamba og the Jessy Dixon Singers på albumet. Albumet var det første konsertalbumet til Simon og han spelte fleire Simon & Garfunkel-songar.

Mot slutten av albumet kan ein høyre ein i publikum som ropar til Simon: «Sei noko!». Han svarar «Sei noko? Vel, eg håpar me held oss i live».

Albumet vart ein moderat suksess og nådde 33. plas i USA og selde etter kvart til gullplate. Det nådde ikkje albumlista i Storbritannia.