Nazca-plata er ei tektonisk plate under Stillehavet vest for Sør-Amerika. Ho har namn etter Nazca-regionen i Peru.
Subduksjonen av Nazcaplata under den søramerikanske plata er det viktigaste opphavet til Andesfjella.
Nazcaplata grensar til Stillehavsplata i vest, Cocosplata i nord, den søramerikanske plata i aust og til den antarktiske plata i sør. Nazca er ei relativt ung jordskorpeplate både når det gjeld alderen til berget her og eksistensen som ei eiga plate. Nazcaplata og Cocosplata blei danna då Farallon-plata delte seg for rundt 23 million år sidan. Det eldste berget på plata er rundt 50 millionar år gammalt.[1]
