Miss You av Jérémie Makiese

«Miss You»
Song av Jérémie Makiese

Land Belgia
Språk Engelsk
Utgjeve 10. mars 2022
Sjanger Pop
Lengd 02:54
Selskap Universal Music Belgium
Låtskrivar(ar) Jérémie Makiese, Mike BGRZ, Manon Romiti, Paul Ivory, Silvio Lisbonne

«Miss You» (norsk omsetjing 'saknar deg') er ein popsong som vert framført av den belgiske songaren Jérémie Makiese. Songen blei gjeven ut 10. mars 2022 og var det belgiske bidraget i Eurovision Song Contest 2022 i Torino i Italia.

Om songen

«Miss You» er komponert av Makiese sjølv, saman med Mike BGRZ, Manon Romiti, Paul Ivory og Silvio Lisbonne. Saman med artisten vart songen vald ut internt av kringkastaren Radio-télévision belge de la Communauté française (RTBF) til å representere Belgia i Eurovision Song Contest 2022. Artistkunngjeringa vart gjort 15. september 2021, mens «Miss You» fyrst vart kunngjort i mars 2022.[1]

«Miss You» hadde premiere 10. mars 2022 på det belgiske radioprogrammet Le 8/9, før musikkvideoen vart vist på tv-kanalen La Une like etter.[2] Seinare same dag vart songen og musikkvideoen slopne på YouTube-kanalen til Eurovision Song Contest.[3]

«Miss You» startar som ein Bond-aktig ballade, før han går over til å bli ein R&B-låt med soulundertonar, blant anna med bruk av eit gospelkor i siste refreng.[2]

«Miss You» deltok i den andre semifinalen av Eurovision Song Contest 2022 torsdag 12. mai. Der vart han nummer 8 og kvalifiserte seg til finalen laurdag 14. mai 2022.[4] I finalen enda låten som nummer 19 av 25 bidrag med 64 poeng.[5][6]

Listeplasseringar

Liste (2022) Høgaste
plassering
Flagget til Belgia Belgia (Ultratop Flandern)[7] 1
Flagget til Belgia Belgia (Ultratop Vallonia)[8] 3
Flagget til Island Island (Plötutíðindi)[9] 30
Flagget til Litauen Litauen (AGATA)[10] 17
Det nederlandske flagget Nederland (Single Tip)[11] 11
Flagget til Sverige Sverige Heatseeker (Sverigetopplistan)[12] 12

Kjelder

  1. ↑ «Belgium reveals the first artist for Eurovision 2022 🇧🇪». Eurovision.tv (på engelsk). 15. september 2021. Henta 15. mars 2022. 
  2. ↑ 2,0 2,1 «Belgium: Jérémie Makiese releases his Eurovision 2022 song "Miss You"». wiwibloggs (på engelsk). 10. mars 2022. Henta 15. mars 2022. 
  3. ↑ «🇧🇪 Belgium: Jérémie Makiese Releases "Miss You"». Eurovoix (på engelsk). 10. mars 2022. Henta 15. mars 2022. 
  4. ↑ «Eurovision Song Contest 2022 Second Semi-Final». Eurovision.tv. EBU. 25 January 2022. Arkivert frå originalen 29. mars 2022. Henta 16. april 2022. 
  5. ↑ «Jérémie Makiese - Belgium - Turin 2022». Eurovision.tv (på engelsk). Henta 19. juni 2022. 
  6. ↑ «Grand Final of Turin 2022». Eurovision.tv (på engelsk). Henta 19. juni 2022. 
  7. ↑ «Jeremie Makiese - Miss You - ultratop.be». www.ultratop.be. Henta 19. juni 2022. 
  8. ↑ «Jeremie Makiese - Miss You - ultratop.be». www.ultratop.be. Henta 19. juni 2022. 
  9. ↑ «Tónlistinn – Lög» [The Music – Songs] (på islandsk). Plötutíðindi. Arkivert frå originalen 25 May 2022. Henta 23 September 2022. 
  10. ↑ «2022 20-os savaitės klausomiausi (TOP 100)». Agata (på litauisk). Henta 19. juni 2022. 
  11. ↑ «Jeremie Makiese – Miss You – dutchcharts.nl». dutchcharts.nl. Dutch Charts. Henta 19. juni 2022. 
  12. ↑ «Veckolista Heatseeker, vecka 20». Sverigetopplistan (på svensk). Henta 19. juni 2022.