Lundevatnet er ein innsjø pÃ¥ grensa mellom kommunane Lund i Rogaland og Flekkefjord i Agder. Innsjøen har eit areal pÃ¥ 27,5 km² og ligg 49 moh. Han er av dei 10 djupaste innsjøane i landet med ei største djupne pÃ¥ 314 meter. E39 gÃ¥r langs austsida av vatnet, eit stykke med ganske mange tunnelar.
Elva Sira renn inn i vatnet ved Sirnes med vatn frå Sirdalen, og vatn frå Hovsvatnet renn inn ved Moi. Vatnet renn ut igjen ved Åna-Sira, der det er ei demning og Åna-Sira kraftverk ligg. Frå der og ut i havet er det berre eit par kilometer.
Elveløpet mellom Sirdalsvatnet og Lundevatnet er i dag utgravd slik at vasstanden dei to vatna imellom skal vere tilnærma lik, og Lundevatnet er sikra reservepåfyll på ein enkel måte. Lundevatnet kan regulerast slik at vasstanden kan variere.
