Like an Animal

«Like an Animal»
Song av Piqued Jacks

Land Italia, San Marino
Språk Engelsk
Utgjeve 5. april 2023
Sjanger Poprock
Lengd 03:02
Låtskrivar(ar) Andrea Lazzeretti, Francesco Bini, Marco Sgaramella, Tommaso Oliveri

«Like an Animal» (norsk omsetjing ‘som eit dyr’) er ein song frå 2023 med det italienske rockebandet Piqued Jacks. I februar 2023 vann låten den sanmarinske songtevlinga Una Voce per San Marino 2023 og var det sanmarinske bidraget til Eurovision Song Contest 2023 i Liverpool.

Om songen

«Like an Animal» er skriven av bandet sjølv og var blant deltakarane i den sanmarinske songtevlinga Una Voce per San Marino 2023, i regi av den sanmarinske ålmennkringkastaren San Marino RTV.[1]

«Like an Animal» vann finalen 26. februar 2023 og blei det sanmarinske bidraget i Eurovision Song Contest 2023.[2][3] Låten blei sloppen for strøyming på YouTube 22. februar, men blei offisielt gjeven ut som singel 5. april 2023.

San Marino deltok i den andre semifinalen torsdag 11. mai i Liverpool. Der enda «Like an Animal» på delt sisteplass med null poeng og kvalifiserte seg ikkje til finalen laurdag 13. mai.[4][5]

Kjelder

  1. ↑ «PiquedJacks». eurovision.tv (på engelsk). Henta 27. mars 2023. 
  2. ↑ Vautrey, Jonathan (26. februar 2023). «PiquedJacks win Una Voce per San Marino 2023 with “Like An Animal”». wiwibloggs (på engelsk). Henta 27. mars 2023. 
  3. ↑ «SanMarino select Piqued Jacks for Liverpool 2023». eurovision.tv (på engelsk). 26. februar 2023. Henta 27. mars 2023. 
  4. ↑ «Eurovision2023: Allocation Draw results». eurovision.tv (på engelsk). 31. januar 2023. Henta 22. mars 2023. 
  5. ↑ «SecondSemi-Final of Liverpool 2023 - Eurovision Song Contest». eurovision.tv. Henta 18. mai 2023.