Leif Andreas Larsen
Fødd	9. januar 1906
Fødestad	Bergen
Død	12. oktober 1990
Dødsstad	Bergen
Rang	kaptein i forsvaret
Konfliktar	andre verdskrigen

Leif Andreas Larsen (9. januar 1906–12. oktober 1990), mest kjend under namnet Shetlands-Larsen, var ein norsk krigshelt under andre verdskrigen.

Leif Larsen vart fødd i Bergen Han er den mest kjende av Shetlandsgjengen, eller dei som tenestegjorde i marineavdelinga Shetlandsbussen under andre verdskrigen. Shetlandsgjengen hadde base på Shetlandsøyane. 52 gongar kryssa han Nordsjøen under krigen, mange gonger i vanlege norske fiskeskøyter. Larsen hadde gode eigenskapar som leiar. Larsen ville ikkje leggja så mykje vekt på sin eigen innsats, og ville heller framheva dei folka han hadde med seg. Han melde seg friviljug til den finske vinterkrigen og under felttoget i Noreg kjempa han på Kongsvinger festning.

Larsen steig i gradene frå utskriven kvartermeister i 1941, til fenrik i 1943, løytnant i 1945 og kapteinløytnant i 1953.

Shetlands-Larsen var verdas høgast dekorerte allierte sjøoffiser. Mellom anna fekk han desse utmerkingane:

Land	Orden, medalje	Merknad	Anna merknad
Noreg	Krigskrossen	med sverd og stjerne
Noreg	St. Olavsmedaljen med eikegrein
Noreg	Krigsmedaljen	med tre stjerner
Noreg	Deltakarmedaljen
Storbritannia	Medaljen for audsynt vågemod Conspicuous Gallantry Medal		Britisk utmerking som vert tildelt offiserar i handelsflåten og marinen. Larsen fekk denne britiske utmerkinga som fyrste utlending
Storbritannia	Medaljen for framifrå tenester «Distinguished Service Medal»	med spenne «& Bar»	Britisk utmerking som vert tildelt meinige i handelsflåten og marinen
Storbritannia	Krossen for framifrå tenester «Distinguished Service Cross»		Britisk utmerking som vert tildelt befal i marinen
Storbritannia	Ordenen for framifrå tenester «Distinguished Service Order»		Britisk utmerking tildelt offiserar.
Finland	Den finske deltakarmedaljen		For deltaking i den fyrste finske vinterkrigen

• Frithjof Saelen: None but the Brave: The Story of "Shetlands" Larsen, Souvenir Press, 1955.