Land's End (kornisk Penn an Wlas) er eit nes på Penwithhalvøya nær Penzance i Cornwall i England. Det et det vestlegaste punktet på det engelske fastlandet. Det vestlegaste punktet på heile øya Storbritannia er Corrachadh Mòr i Ardnamurchan i Skottland som ligg 35 lenger vest. Det sørlegaste punktet i Storbritannia er heller ikkje Land's End, men Lizard Point, som ligg nokre kilometer lenger søraust.

Frå Land's End kan ein sjå Longships fyr. Longships, eit par kilometer ute i havet, er ei serpentin- og kvartsøy. Midt mellom Land's End og Isles of Scilly ligg det segnomsuste tapte landet Lyonesse, som vert omtalt i litteratur om Kong Arthur.

Land's End er eit kjent landemerke i Storbritannia og vert i lag med John o' Goats i Skottland (det mest nordaustlege punktet på det britiske fastlandet) ofte omtalt i kappløp, turar og veldedige hendingar. Uttrykket Land's End to John o' Groats (Frå Land's End til John o' Goats) vert nytta både som ei bokstavleg reise og som ein metafor for lange reiser, på liknande måte som «frå Lindesnes til Nordkapp» i Noreg.

I 1987 kjøpte Peter de Savary Land’s End.^[1]. Han reiste to nye bygningar og det meste av den noverande temaparken. Han selde både Land's End og John o' Groats til føretaksmannen Graham Ferguson Lacey i 1991.^[2] Sidan 1996 er Land’s End eigd av Heritage Attractions Limited.

• 
  Land's End, det vestlegaste punktet i Cornwall
• 
  Turistsenteret på Land's End
• 
  Turistsenteret på Land's End
• 
  Fyret utanfor Land's End
• 
  Sørover frå Land's End
• 
  Vestover frå Land's End
• 
  Nordover frå Land's End

• John o' Groats

• "Walking the length of Britain" Lands'End to John O'Groats - e-bok om denne reisa

50°4′7″N 5°42′58″W / 50.06861°N 5.71611°W / 50.06861; -5.71611