«Jingle Bell Rock» er ein populær julesong først gjeven ut av Bobby Helms i 1957. Han har vorte mykje spelt på radio i juletider sidan den gong. «Jingle Bell Rock» vart skriven av Joseph Carleton Beal (1900–1967) og James Ross Boothe (1917–1976).

«Jingle Bell Rock» har vorte spelt av mange, men Helms-versjonen er den mest kjende. Tittelen og noko av teksten er henta frå gamle julesongar som «Jingle Bells». Han referer til andre populære songar i 1950-åra, som «Rock Around the Clock». Hank Garland spelte elektrisk gitar på songen og speler dei første tonane av refrenget på «Jingle Bells».

Trass i at songen vert omtalt som rock i tittelen var Helms-versjonen spelt i stilen rockabilly.

Bobby Helms-versjone på Decca 9-30513 frå 1957, vart spelt inn på ny av han på Kapp K-719 i 1965 og nok ein gong i 1967 på Little Darlin' LD-0038. I 1970 gav Helms ut eit heilt album kalla «Jingle Bell Rock» på Certron C-7013. Enno ei nyinnspeling vart gjeven ut av Helms på Ashley AS-4200 (ukjend år). I 1983 gav Bobby Helms ut den siste innspelinga si av «Jingle Bell Rock» på Black Rose 82713.

Helms-versjonen nådde 13. plass på Billboard's Most Played C&W by Jockeys-lista, ein føregangar til Hot Country Songs-lista. Etter at han vart nytta i filmen Jingle All the Way i 1996, gjekk songen inn på 60. plass på countrylista i USA.

Ein annan kjend versjon av songen vart spelt inn av Bill Haley & His Comets i 1968 for United Artists records. Denne kom ikkje ut på den tida, og det gjekk nesten 30 år før songen vart gjeven ut i 1990-åra.

Brenda Lee gav ut ein versjon av «Jingle Bell Rock» som nådde Billboard Christmas-lista i både 1964 og 1967.

Andre artistar som spelte inn songen er:

• Han er opningstemaet i filmen Dødelig våpen frå 1987.
• Dr. Teeth and The Electric Mayhem framførte songen i 1987 i julespesialen A Muppet Family Christmas.
• Helms-versjonen vart nytta i filmen Cookie (1989).
• Songen vart nytta i filmen Hjemme alene 2 i 1992.^[8]
• I 2004 vart songen sungen i lag med Lindsay Lohan i komedien Mean Girls av Cady Heron, Regina George, Gretchen Weiners, og Karen Smith i det årlege juletalentshowet deira.

• Heile songteksten på MetroLyrics