Jens Olavson Espedal
Opphavsperson: ukjent.
Fødd	5. februar 1898
Død	13. november 1925 (27 år)
Yrke	skribent
Sjanger	Dikt, prosa
Debut	Kvardagskvæde, 1926

Jens Olavson Espedal (fødd 5. februar 1898 på Espedal, død 13. november 1925)^[1] var ein radikal forfattar med røter i bondesamfunnet. Han var elev ved Mo jordbruksskule i Førde i 1917 og ved Voss folkehøgskule 1920 til 1921.

Diktsamlinga Kvardagskvæde vart gjeven ut posthumt av slektningar i 1926 året etter at Espedal døydde 27 år gamal. Aasulv Stave meldte lyrikkboka til Jens Olavson Espedal i avisa Firda Folkeblad i april utgjevingsåret og i omtalen heiter det mellom anna «...stemningsfulle dikt i ei lett skyneleg og folkeleg form utan store fakter».^[2] Bokmeldar Stave var uroa over sjukdomen som til slutt kravde livet til Espedal, og dette kom til uttrykk i eit dikt kalla «Til Den sjuke Sunnfjorddiktaren» publisert i Firda Folkeblad to månadar før Espedal døydde.^[3]

Jens Olavson Espedal fekk også på prent dikt i målbladet Unglyden, i det litterære tidsskriftet Ung Norig og avisa Gula Tidend. Han sette om dikt av Gustav Fröding frå Sverige, og fekk dei prenta i Gula Tidend.^[4]

Aasmund Olavsson Vinje var ein særs viktig inspirasjonskjelde for Jens Espedal, og mellomnamnet Olavsson henta han frå Vinje.

Jakob Sande var inspirert av radikalismen til Jens Olavson Espedal, meiner Sande-biograf Ove Eide.

1926 – Kvardagskvæde (Svorkmo: Eige forlag) I fulltekst ved nb.no

• Lokalhistoriske artiklar Sogn og Fjordane

1. ↑ Gallis (redaktør) "Nynorsk bokliste" 1942, side 48 og Lund-Iversen 1990, side 147
2. ↑ Firda Folkeblad 30.4 1926, side 2
3. ↑ Firda Folkeblad 15.9.1925, side 1
4. ↑ Eide 2002, s. 178.

• «Jens Espedal, bonderadikal skribent og forfattar frå Fjaler i Sunnfjord». Allkunne. Henta 24. juli 2014. 
• Ove Eide (2002). «Bonde og bolsjevik : ein sunnfjordsk Olavson (Vinje)». Jakob Sande. 2002: 178-205.  Årbok Jakob Sande-selskapet gir ut
• Arne Gallis, red. (1942). Nynorsk bokliste : fjerde bandet 1926-1935 (med tillegg). Oslo: Samlaget. 
• Carl Lauritz Lund-Iversen (red.) (1990). Ord gjennom år : dikting og diktarar frå Sunnfjord og Nordfjord : 1700-1986 med bibliografi : ein antologi ved Carl Lauritz Lund-Iversen. Naustdal: Sogn og Fjordane forlag. 
• Aasulv Stave (15. september 1925). «Til Den sjuke Sunnfjorddiktaren». Firda Folkeblad: 1. 
• Aasulv Stave. «Jens Olavson Espedal. Kvardagskvæde.». Firda Folkeblad. 30.4 1926, s. 2. 

• Jens Espedal. «Til Ungdomslagi og norskdomsfolket i Fjaler!». Firda Folkeblad. 
• Om Jens Olavson Espedal i Lokalhistoriske artiklar Sogn og Fjordane
• Carl Lauritz Lund-Iversen, red. (1990). Ord gjennom år : dikting og diktarar frå Sunnfjord og Nordfjord : 1700-1986 med bibliografi : ein antologi ved Carl Lauritz Lund-Iversen. Naustdal: Sogn og Fjordane forlag. s. 59-60. ISBN 8290576137.  [Dikta «I yngd og vaar», «Det er mykje rart i verda –», «Dagskvæde», og «Skalden»]
• Gravminner