Hers-Vif
elv
Land	Frankrike
Nedslagsfelt	1 350 km²
Lengd	130 km
Middelvassføring	15 m³/s
Kjelde	Pyreneane
•  høgd	±1 500 moh.
Munning	Ariège
Hers-Vif 43°18′21″N 1°33′09″E / 43.305833333333°N 1.5525°E / 43.305833333333; 1.5525
Wikimedia Commons: Hers-Vif

Hers-Vif, og kalla Grand Hers eller berre Hers, er ei 130 km lang elv sør i Frankrike, og ei av sideelvane til Ariège frå høgre.

Hers-Vif har utspring i ei høgd om lag 1 500 meter over havet nær Chioula-passet i Pyreneane, om lag 6 km nord for Ax-les-Thermes. Ho munnar ut i Ariège 2 km oppfor Cintegabelle i Haute-Garonne.

Ho renn 30 kilometer gjennom Pyreneane og fell 1 100 m til landsbyen Peyrat, der ho renn ut på ei piedmontslette. Dalen vert vidare etter kvart som ho renn over sletta, og ho når mellomalderbyen Mirepoix, som er starten på den nedre dalen hennar.

• Frå Pyreneane: Lasset, Fontaine de Fontestorbes, Touyre
• Frå piedemontsletta og åsane: Blau og Douctouyre;
• Frå Lauragais-åsane og Razès: Ambronne og Vixiège.

Elva renn gjennom følgjande departement og byar:

• Ariège: Prades, Bélesta, La Bastide-sur-l'Hers, Mirepoix, Mazères
• Aude: Comus, Chalabre
• Haute-Garonne: Calmont

Hers-Vif er kjend for dei store flaumane ho stundom har skapt. 16. juni 1289 skal ho ha øydelagd heile Mirepoix. I nyare tid har dei største flaumane vore:

• 23. juni 1875: estimert vassføring 1 500 m³/s ved Mazères;
• 6. februar 1919: estimert vassføring 600-800 m³/s ved Mazères;
• 19. mai 1977: estimert vassføring 1 070 m³/s ved Mazères;
• 16. januar 1981: estimert vassføring 1 100 m³/s ved Mazères;
• 11. juni 2000: estimert vassføring 500 m³/s ved Mazères;
• 24. januar 2004: estimert vassføring 500 m³/s ved Mazères.