Hartvig Kiran (3. november 1911–15. august 1978) var ein norsk forfattar, lyrikar og komponist frå Ålesund. Han voks opp i Sorenskriver Bulls gate 56.

Kiran var oppteken av å få kultur ut til folket. Han var sentral i Visens Venner, og var tilsett i NRK der han lenge presenterte Ønskediktet som alltid vart introdusert med Kiran si omsetjing av Auld Lang Syne. I tillegg til å skriva eigne dikt, omsette han teaterstykke og musikalar som Hamlet og Macbeth.

Under andre verdskrigen var han i eksil i England frå 1941 til 1945, og arbeidde då ved den norske avdelinga til BBC.

• I 1960 fekk Kiran Bastianprisen for å ha omsett ei diktsamling av Robert Burns til nynorsk.
• I 1963 fekk han Melsom-prisen.
• I 1978, same året som han døydde, vart Kiran tildelt Kringkastingsprisen for nynorskbruk/dialektbruk i media.

• Bøker av Hartvig Kiran digitalisert hjå Nasjonalbiblioteket
• Dottera Yngvil Kiran om faren.
• Mottakarar av Kringkastingsprisen.

Denne litteraturartikkelen er ei spire. Du kan hjelpe Nynorsk Wikipedia gjennom å utvide han.