«Eyesight to the Blind» er ein bluesstandard skriven av Sonny Boy Williamson II (Aleck «Rice» Miller). Han vart første gong innspelt av Williamson i 1951 som den første singelen hans på Trumpet Records.

Som ein bluessong har originalen til Sonny Boy Williamson vorte spelt mange gonger. Den mest kjende av dei tidlege utgåvene er av The Larks, opphavleg ei vokalgruppe som hadde utvikla seg ut frå ei gospelgruppe, The Selah Jubilee Singers. Deira innspeling av «Eyesight to the Blind», med vokal og gitar av Allen Bunn, som seinare arbeidde solo som Tarheel Slim, nådde femteplassen på R&B-lista i USA i juli 1951.

Songen har òg vorte spelt av fleire rockegrupper, som til dømes:

• The Who - Tommy (1969). Ei utgåve av den sjette songen i rockeoperaen deira. Songen vert her kalla «The Hawker» i parantes. I filmutgåva av Tommy vert songen framført av Eric Clapton og Arthur Brown.
• Aerosmith - Honkin' On Bobo (2004)
• Gary Moore - Close As You Get (2007)
• Eric Clapton - Crossroads 2: Live in the Seventies. Songen er ein del av ei 24 minuttar lang improvisering i lag med Carlos Santana.

1. ↑ ^{1,0 1,1 1,2} «Sonny Boy's Lonesome Cabin». Sonnyboy.com. 5. mai 1998. Arkivert frå originalen 26. november 2013. Henta 29. mai 2014.