Europa Clipper er ein NASA-romsonde på veg til jupitermånen Europa. Romsonden vil gjera fleire passeringar av Europa i staden for å gå i bane kring månen. På denne måten vil romsonden vera minst mogeleg inne i strålebelta kring Jupiter og soleis kunna vara lenger.^[1] Europa Clipper vart skoten opp 14. oktober 2024 med ein SpaceX Falcon Heavy-bererakett og er venta å gå inn i bane kring Jupiter i april 2030.^[2]

Romsonden har ni instrument og får straumen sin frå solsellepanel. Med solsellepanela og radarantennene er Europa Clipper ved oppskytingstidspunktet den største interplanetariske romsonden utvikla av NASA nokosinne.^[1]

1. ↑ ^{1,0 1,1} «Europa Clipper Mission» - NASA
2. ↑ «Liftoff! NASA’s Europa Clipper Sails Toward Ocean Moon of Jupiter». NASA. 14. oktober 2024. Henta 26. oktober 2024. 

• Offisiell nettstad

Denne artikkelen er ei spire. Du kan hjelpe Nynorsk Wikipedia gjennom å utvide han.