«Darlin' Be Home Soon» (eller «Darling Be Home Soon») er ein song skriven av John Sebastian for The Lovin' Spoonful. Han kom ut på filmmusikkalbumet til Francis Ford Coppola-filmen You're a Big Boy Now frå 1966. Han er blitt skildra som «...ein av dei mest hjartelege songane om å vere borte frå sin kjære, skriven frå synspunktet til ein musikar på turné som skriv eit brev.»[1] Songen vart gjeven ut på singel og nådde 15. plassen på den amerikanske poplista. Same året nådde ein versjon av Bobby Darin 93. plassen på den amerikanske lista. Saksofonisten Bud Shank gav ut songen på albumet sitt A Spoonful of Jazz, og Billie Davis gav han ut på B-side på ein singel i Storbritannia.
Sebastian framførte denne songen på Woodstockfestivalen som den fjerde av fem songar han spelte der i 1969.
I 1969 vart «Darlin' Be Home Soon» gjeven ut av Joe Cocker på albumet Joe Cocker! og vart ein standard for han. Songen vart framført av Slade og finst på konsertalbumet deira Slade Alive! frå 1972. Same året nådde The Association nesten topp 100 i USA med ein singel (104. plassen) henta frå albumet Waterbeds in Trinidad!
Andre hitversjonar av songen vart gjeven ut av The Barra MacNeils (1993, 23. plassen i Canada) og Let Loose (1996, 65. plassen i Storbritannia).
Andre innspelingar av songen
Kjelder
|
|---|
|
| Studioalbum | |
|---|
| Samlealbum | |
|---|
| Konsertalbum | |
|---|
| Singlar | |
|---|