Burträsk var tidlegare eigen kommune, men blei slått saman med Skellefteå i samband med den svenske kommunereforma i 1974. Tettstaden Burträsk ligg ved innsjøen Burträsket. Staden har ein godt utbygd handels- og servicenæring. Foruten sjukeheim og skular er dei største arbeidsplassane Snidex snickeri og Norrmejerier der Västerbottensost blir produsert.
Historie
Dei første menneska trur ein har kome til Burträskbygda rundt 6000-5000 f.Kr. Etter kvart som landet heva seg auka busetnadane, og rundt 1200- og 1300-talet blei truleg dei første faste busetnadane i området etablert. Ved skattlegginga til Gustav Vasa av Västerbotten i 1540 fanst det 67 bønder i Burträskbygda, av dette 22 på sjølve staden Burträsk.
På 1700-talet byrja øydemarka å koloniserast for alvor, då bønder fekk gratis jord av staten mot at dei dyrka den.
