Bo Kaspers Orkester er ei svensk pop- og rockegruppe sterkt påverka av jazz, som vart starta i 1991. Bandet består av songaren og gitaristen Bo Kasper Sundström, bassisten Michael Malmgren, trommisen Fredrik Dahl og Mats Schubert på piano, keyboard og gitar. Gitaristen Lars Halapi var medlem i gruppa fram til 1996. Dei er kjende for fleire jazzprega radiohittar, mellom anna «Söndag i sängen», «Hon är så söt», «Ett & noll», «Amerika», «Svårt att säga nej» (med Lisa Ekdahl) og «I samma bil».
Historie
Bandet byrja som eit husband på ein asiatisk restaurant på Kungsholmen i Stockholm. Dei fekk positive tilbakemeldingar av gjestene og byrja å skriva stadig fleire eigne låter.
Bo Kaspers Orkester debuterte i 1993 med albumet Söndag i sängen, og har sidan gjeve ut ytterlegare ti album. I Noreg slo dei gjennom med radiohiten «Hon är så söt» frå albumet På hotell (1994). Sidan har alle albuma deira kome opp blant dei 15 mest selde her i landet.[1]
Med oppfølgjarane På hotell og Amerika nådde bandet ut til eit endå større publikum. Etter desse albuma forlét gitaristen Lars Halapi gruppa og bandet heldt fram som kvartett. I 1998 gjorde gruppa stor suksess med albumet I centrum. Same året vart bandet tildelt ein grammis som «Årets artist».[2] I 1999 oppsummerte bandet sine beste låter på samleplata Hittills. Bo Kaspers Orkester var no etablert som eit av dei mest populære banda i Sverige før dei sleppte platene Kaos (2001) og Vilka tror vi att vi är (2003) Etter desse platene tok bandet ein pause og Bo Sundström gav ut eit soloalbum.
Bo Kaspers Orkester gjorde comeback i 2006 med låta «I samma bil» som gruppa hadde stor suksess med, etterfylgt av albumet Hund. I 2008 heldt dei fram med albumet 8, og i 2010 kom New Orleans. Bo Kaspers Orkester gav ut sitt tiande studioalbum i 2012, Du borde tycka om mig. I 2015 kom Redo att gå sönder, som så langt er det siste.
Diskografi
Studioalbum
- 1993 – Söndag i sängen
- 1994 – På hotell
- 1996 – Amerika
- 1998 – I centrum
- 2001 – Kaos
- 2003 – Vilka tror vi att vi är
- 2006 – Hund
- 2008 – 8
- 2010 – New Orleans
- 2012 – Du borde tycka om mig
- 2015 – Redo att gå sönder
Samlealbum
- 1999 – Hittills
- 2000 – You and Me
- 2009 – Samling
- 2013 – Så Mycket Bo Kaspers Orkester
Videoalbum
- 2004 – Sto-Gbg
- 2007 – Bo Kaspers Orkester Live, Vega Köpenhamn
- 2009 – Bo Kaspers Orkester Live in consert 2009, Göteborgs konserthus
Singlar
- 1992 – Det går en man omkring i mina skor
- 1992 – Söndag i sängen
- 1993 – Köpenhamn
- 1994 – Ni bad om det
- 1994 – Mindre smakar mer
- 1994 – Puss
- 1994 – Hon är så söt
- 1995 – Ingenting alls
- 1996 – Amerika
- 1996 – Ett & noll
- 1997 – Vi kommer aldrig att dö
- 1997 – Önska dig en stilla natt
- 1998 – Undantag
- 1998 – Semester
- 1999 – Allt ljus på mig
- 2001 – Ett fullkomligt kaos
- 2002 – Människor som ingen vill se
- 2003 – Långsamt
- 2003 – Dansa på min grav
- 2006 – I samma bil
- 2006 – En man du tyckte om
- 2006 – Hund
- 2008 – Innan allt försvinner
- 2009 – Intill dig (med Pauline Kamusewu)
- 2009 – Vi kommer aldrig att dö (nyinnspeling)
- 2010 – Låt mig komma in
- 2015 – Sommaren
- 2017 – En sländas andetag
Kjelder
Fotnote
