«Blood & Glitter» (norsk omsetjing: ‘blod og glitter’) er ein song frå 2022 med det tyske gothmetalbandet Lord of the Lost. Songen vann den tyske songtevlinga Unser Lied für Liverpool i mars 2023 og var det tyske bidraget til Eurovision Song Contest 2023 i Liverpool.
Om songen
«Blood & Glitter» er skriven av bandmedlemmane Chris Harms og Pi Stoffers, saman med dei eksterne låtskrivarane Rupert Keplinger og Anthony J. Brown. Låten er i sjangaren mørk rock[1] og blei sloppen 24. desember 2022, som hovudsingel på det ellevte studioalbumet til bandet Blood & Glitter (2022).
Bandet hadde lenge ønsket å representere Tyskland i Eurovision Song Contest, og sende inn låten til den tyske uttakinga Unser Lied für Liverpool.[2] Den tyske kringkastaren NDR valde ut låten som ein av ni finalistar, og songen vann finalen 3. mars 2023 med 43 poeng frå de internasjonale jurygruppene og 146 poeng frå sjåarane.[3][4] Framføringa blei skildra som eit «forrykande glamrock-show», ein stad mellom «mørk metal» og «gothmetal».[5][6]
Som vinnar av Unser Lied für Liverpool blei «Blood & Glitter» det tyske bidraget til Eurovision Song Contest 2023 i Liverpool. Tyskland er eit av dei fem store landa og var direktekvalifisert til finalen laurdag 13. mai.[7] I finalen fekk «Blood & Glitter» 18 poeng og enda sist av 26 finalistar.[8][9] Dette var den niande sisteplassen til Tyskland i Eurovision Song Contest, og den andre sisteplassen på rad for landet.[10]
Listeplasseringar
Kjelder
