Black Mountains (walisisk Y Mynyddoedd Duon) er ei rekkje åsar i Powys og Monmouthshire søraust i Wales som strekkjer seg over grensa og inn i Herefordshire i England. Dei er den austlegaste av fire fjellkjeder i Brecon Beacons nasjonalpark og vert ofte forveksla med den vestlegaste, som heiter Black Mountain. I tillegg er det ein topp i Black Mountains som heiter Black Mountain. Black Mountains strekkjer seg i trekanten mellom byane Abergavenny i søraust, Hay-on-Wye i nord og landsbyen Llangors i vest. Ein annan by nær Black Mountains er Talgarth.
