Blåsjø
innsjø
Blåsjø i august 2012
Land	Noreg
Fylke	Agder og Rogaland
Kommunar	Hjelmeland, Suldal, Bykle
Høgd over havet	930–1055 moh.
Areal	84,48 km²
Volum	3,1 km³
Kystlengd1	200,41 km
Koordinatar	59°22′14″N 06°52′48″E / 59.37056°N 6.88000°E / 59.37056; 6.88000
Blåsjø 59°22′14″N 6°52′48″E / 59.37055556°N 6.88°E / 59.37055556; 6.88
Wikimedia Commons: Blåsjø
1 Kystlengd er eit unøyaktig mål som kanskje ikkje er standardisert for denne artikkelen.

Blåsjø er ein regulert innsjø og det største vassmagasinet i Ulla-Førre-anlegget, med eit energipotensial på ca. 7,7 TWh. Han ligg i kommunane Hjelmeland og Suldal i Rogaland fylke, samt i Bykle i Agder fylke. Med eit areal på 84,48 km² er han den niande største innsjøen i Noreg. Rundt Blåsjø finn ein fleire av dei største dammane i Noreg: Oddatjørndammen, Storvassdammen og Førrevassdammen. Til saman demmer elleve dammar opp sjøen.

Til Blåsjø blir det overført vatn frå Skorpevadshølen, og Saurdal kraftverk kan både tappa frå og pumpa vatn opp til Blåsjø. Pumpinga skjer frå 600-metersnivået, der Sandsavatnet er det største magasinet. Andre kraftverk i Ulla-Førre-utbygginga er Kvilldal, Stølsdal og Hylen.^[1] Blåsjø blir regulert mellom 1055 og 930 moh., og er eit fleirårig magasin.

Målt i energiinnhald er Blåsjø det største kraftmagasinet i Noreg^[2].

• 
  Blåsjø med Førrevassdammen bak til høgre
• 
  Oddatjørndammen demmer opp Blåsjø mot nordvest
• 
  Den søraustre delen av Blåsjø (Storvatnet)
• 
  Storvassdammen