Kutiyattamtruppen til Mani Madhava Chakyar framfører «Thoranayudham», ein del av Bhasa sitt stykke Abhisjeka-nataka, i Madras i 1962.Helten, kong Udayana, i ei kuttiyattamframføring av Svapnavasavadatta.
Bhasa (sanskrit bhāsa) var ein indisk dramatikar, ein av dei tidlege sanskritforfattarane. Nøyaktig kva tid han levde er ukjend, men 200-talet e.Kr. er ei mogleg tid. Kalidasa (300-400-talet) rekna seg som ein moderne forfattar i høve til Bhasa.
Fram til 1910 var verket til forfattaren rekna som tapt, berre kjend gjennom einskilde sitat i andre verk. I 1910 kom sanskritforskaren T. Ganapati Sastri over 13 skodespel som blei brukte kutiyattamteater i Thiruvananthapuram i Kerala. Desse viser så mange arkaiske fellestrekk at ei rekkje forskarar meiner dei skriv seg frå Bhasa, særleg ettersom eitt av dei, Svapnavasavadatta, allereie var nemnd som eitt av hans drama.
