Ørsta/Volda lufthamn, Hovden
IATA	HOV
ICAO	ENOV
Operatør	Avinor
Tener	Ørsta
Stad	Ørsta kommune
Opna	1971
Høgd	74 meter
Koordinatar	62°10′43″N 6°4′33″E, 62°10′48″N 6°4′27″E
Nettstad	http://www.avinor.no/flyplass/hovden

Ørsta/Volda lufthamn, Hovden er ei lufthamn som vert eigd og driven av Avinor AS. Lufthamna ligg midt mellom bygdebyane Ørsta og Volda i Møre og Romsdal fylke. Plasseringa er direkte i tettstaden Hovdebygda i Ørsta kommune. Flyplassen vart opna den 1. juli 1971 i samband med utbygginga av det norske kortbanenettet. Flyplassen hadde opphavleg ei rullebane på 866 x 30 m med asfaltdekke, seinare er ho blitt utvida til 1070 m.

Flyselskapet Widerøes Flyveselskap ASA driv ruteflyging til/frå lufthamna. Det går direktefly til Bergen lufthamn, Flesland og Oslo lufthamn, Gardermoen, Sogndal lufthamn, Haukåsen og Sandane lufthamn, Anda.

Flyplassen har hatt stor auke i passasjertalet dei siste åra. Mykje av årsaka til det, er betre kommunikasjonar i regionen (Eiksundsambandet og Kvivsvegen), som har gjort flyplassen lettare tilgjengeleg for fleire. I takt med dette har også rutetilbodet auka. Avstanden frå Ørsta sentrum til flyplassen er 4 km, frå Volda 7 km, Ulsteinvik 30 km, Fosnavåg 45 km og Stryn 64 km.

Volda Ørsta flyklubb har Hovden som base.

• Avinor si side om Ørsta/Volda lufthamn, Hovden
• Ørsta-Volda lufthamn Arkivert 2015-01-15 ved Wayback Machine. Dokumentasjon v/Norsk Luftfartsmuseum