Óscar René Cardozo (fødd 20. mai 1983 i Doctor J. Eulogio Estigarribia i Caaguazú-departementet) er ein paraguayansk fotballspelar som har spela som spiss for Benfica i den portugisiske fotballigaen og for Paraguay sitt landslag.
Cardozo vart seriemeister i Portugal med Benfica i 2010, og vart toppskårar i Portugal same sesongen. Han vart òg toppskårar i Europaligaen same året. Han vart kåra til årets paraguayanske fotballspelar i 2006 og 2009. Cardozo debuterte for Paraguay sitt A-landslag 5. juni 2007 i ein privatlandskamp mot Mexico, der han også skåra eitt mål. Han var med i Paraguay sin tropp til fotball-VM i 2010, der han spelte i alle Paraguay sine fem kampar, to frå start og tre som innbytar.
