Gl nome Settefrate ne vè da gl Sand Sètt Frate, figl de Sanda Flecita, marterezzate che la mamma a gl tiémb de gl mbère romane, pecché évene creštiane.
Menemiénd é luoche da ì a vedé
Archetetture releggiose
De l'andica chièsa de gl Sand Sètt Frate, uoje, remane gl pertale de ndrata aglettute dénd a na cheštrezzione medèrna (monnassá raccongia é addeprate comm sède e gl chemune): gl pòšt - chiamate San Settefrate - cunzèrva gl nome e la chièsa.
Chièsa de Sand Stèfane, la chièsa prengepale, che šta a la part cchiù áveta de gl puaése, vecin'a la torr.
Chièsa de Sanda María de la Tribbuna, d’andó ze pò vedé la Vall e Comine sana sana,
Chièsa de Sanda Flecita
Chièsa de Madònna de le Grazie, che dénd a gl prònae cunzèrva n’affrische ch'arrappresènda gl giudizie nneverzale é, a part peddénd, na liamia settecendésch a cassettune é ciért petture de tela: na teštemenianza de gl štòreche seciendésch Giuann Pául Mattía Castrucci dice ca ce štave cèrt òpre de gl pettor casenése March Mazzaròpp[1]
Chièsa de San Necòla, scarepata, remane sul gl nome de gl pòšt.
Chièsa de Sand Arcángele Mechèle a la frazzione e Piétrafítta (Cappellina de Sanda Flecita, che šta ngim’a na fond d’acqua che z’è sèmb ditt ca cura).
Gl caštiégl e Settefrate, (ne remánene riéšt de la torr é de ciért mórera), è de gl dèceme sècule (nfetèuse de gl abbate Aligérn de gl 983).
Sétera archéelòggece
Vecin'a gl sanduarie, attèrr'a Mèlfa, a gl 1958 fúrene schepiért gl riéšt de ne tèmbie de la déa Méfete, che menéte é èx vote de cuocc de gl III sècule p. C.
A gl 1974, a méne de ne chelòmmetre da gl paése, a la cundrata Casa Firma, fúrene schepèrt de le tomb che dénd cèrt còccera é na píccula menéta, é pure riéšt de n’áštreche de matenèll a spin'e pésc: tutt quand appartè a na villa rústeca romana che resagl a l'èpeca tard-mberiale.
.svg)
