Dettaglio dal monumento equestre a Niccolò da Tolentino
Sciorenza (Firenze pe taliano) è nu comune 'e 382.775 crestiane, capoluoco d’’a ommonema pruvincia e d’’a reggione Toscana. A chesta pupulazzione se jognono 'e cchiù ca dojecientomila rezidente int’’e zzone extra-urbane, pe modo ca 'a pupulazzione 'e chella ca putimmo definì ll'area metrupolitana sciorentina ammunta ad otrà miezzo melione 'e crestiane.
Traversata d’’o sciumme Arno (ca int’’o 1966 straripette causanno 'a lava 'e Sciorenza, scatascio ca purtette rammaggie nun quantafecabbele ncoppa a tùtto a levello artisteco, otrà â morte 'e 35 pperzone), capitale 'e Italia pe nu mumento curto adoppo ll'aunificazzione 'e ll'Italia (1865-1871) e a luongo sotto 'o pacchero d’’a famiglia d’’e Medici (1434-1494, 1512-1527 e 1530-1737), Sciorenza era int' ll'Europa medievale nu centro cummerciale e fenanzziario mpurtante.
