'O funnatore d''a dinastia fuje Carlo 'e Burbone, rre 'e Napule d''o 1734 ô 1759, figlio 'e Filippo V 'e Spagna (rre 'e Napule e 'e Sicilia d''o 1700 ô 1713, outre ca rre 'e Spagna d''o 1700 ô 1746, e funnatore a vota suja d''a dinastia d''e Burbone 'e Spagna) e d''a taliana Elisavetta Farnese. Carlo avette otto fije.
Ô 1759 sagliette ô trono 'e Spagna cu 'o nomme 'e Carlo III, aroppo â morte senza arede d''o fratellastro Fernando VI 'e Spagna e pe' cchesto avette a renunzià ô trono 'e Napule, c'attuccaje ô figlio tierzogeneto Ferdinando ca regnaje â abbiata cu 'o titulo 'e Fernando IV, rre 'e Napule e d'â Sicilia e po', d''o 1816 nfíno â morte, comme Ferdinando I, rre d''e Ddoje Sicilie.
Ll'urtemo rre d'ô Regno d''e Ddoje Sicilie fuje Francesco II, canusciuto pure comme Franceschiello, ca avette a renunzià 'â curona e a 'o titulo a causa 'e ll'envasione d'â Sicilia, e po' d'â parte cuntinentale d'ô regno, pe' mmano 'e Giuseppe Garibaldi a ll'epuca d'ô Resurgimiento.
'O primmo Burbone 'ngopp'ô trono 'e Napule e Sicilia fuje Carlo, ca nun ausaje nisciuna 'nnumerazzione pe' sse 'ndecà. 'Int'â ll'anno 1759 renunziaje a 'e ccurone 'e chiste regne pe' addeventà munarca 'e Spagna. Accasato cu' Maria Amalia 'e Sassonia 'o 9 'e majo1738, avette chiste figlie:
'A famiglia riale 'e Ferdinando I e Maria Carulina
'O secunno rre d'â denastia fuje Ferdinando. Chesto a ll'accumenzaglia avette 'o titulo 'e rre 'e Napule e rre 'e Sicilia e po', cu' ll'envasione 'e Napule pe' mmano d'ê ffrangise ca lla guvernajeno, cu' varie 'nterrizziune, cu' Giuseppe Bonaparte primma e Gioacchino Murat aroppo nfin'ô 1815, devenette primmo rre d'ô regno aunifecato d'ê Ddoje Sicilie. Se spusaje 'int'ô 1768 cu' Maria Carulina d'Austria e avette chiste figlie:
Fuje 'o secunno rre d'ê Ddoje Sicilie arropp'ô pate da 'o 1825 'nfino 'a morte suja (1830), pure se asercetaje 'o putere riale già da 'o 1812 c'â nommena 'e reggente d'ô Regno. Accasato cu' Maria Clementina d'Asburgo-Lurena, avette chiste figlie:
.jpg)
