PROFILPELAJAR.COM

Antoniello 'e Giovanni d'Antonio, chiammato Antonello da Messina (Messina 1430 circa - 1479), fuje nu pittore. Fonnette 'a cultura sciamminga e 'a cultura pruspètteco-munumentale taliana. 'O sujo viaggio a Venezia fuje dicisivo pe Giovanni Bellini e 'a successiva arte taliana.

Biografìa

Nascette dint’’o 1430 circa a Messina, 'a Giovanni, scalpellino. Se mparaje ll'arte probabbilmente tra Messina e Paliermo. D’’o 1445 ô 1455 sta a Napule addó, seconno a na testimunianza, dint’’â putia d’’o pittore Colantonio, viene a cuntatto c’’a pittura sciamminga, spagnola e pruvinzale.

A Antoniello viene attribbuita l’’'Annunciata, sarvata dint’’e Musìje Cìveche 'e Como, che se rifà p’’o stile e cunugrafìa a ll'ambiente napulitano 'e gusto ciammingo e diece tavulelle cu Beate franciscane realizzate p’’a pala pittata 'a Colantonio p’’a chiesa 'e San Lorenzo Maggiore.

'A cusiddetta Crucifissione 'e Sibiu d’’o 1455 circa, sarvata ô Muzeul de Artà 'e Bucarest, icunugraficamente riprenne 'e Calvarje ciamminghe. D’’o stiss' anno ma successiva è 'a Crucifissione d'Anversa, sarbata ô Musée Royal de Beaux Arts: dint’’a parte bascia d’’â tàvula, l'òpera è prettamente ciamminga mentre dint’’â parte alta, se vede 'a canuscenza d’’o spazzio 'e ll'arte taliana.

D’’o 1457 è 'a primma cummissione comme mastro: nu gunfalone pe na cunfraternità 'e Reggio Calabbria. D’’o 1460 ô 1465 se trova a Messina. Dint’’ô 1460 circa ce viene attribbuita ll'esecuzzione d’’a cusiddetta Madonna Salting, addó se védono pure ll'influsse 'e ll'òpera 'e Piero della Francesca. 'E ddoje tavulelle 'e Reggio Calabbria Abramo servito dagli angeli e San Girolamo penitente songo d’’o periodo doppo 'o 1460.

Nfra 'o 1465 e 'o 1470 circa realizza 'o Ritratto d'ommo d’’o Musejo Mandralisca 'e Cefalù. Dint’’e ritratte Antonello, a differenza d' ate taliane, che utilizzàvano 'a posa 'e prufilo, adotta 'a pusizzione a tre quarte, tipicamente ciamminga, che permette n'anàlese fìsica e psiculòggeca cchiù minuta.

O schema cumpusitivo 'e stu ritratto vene pigliato sempre dint’’e ritratte successive: 'o persunaggio è nzetato dint' a nu sfunno scuro c’’o busto tagliato sott’’e spalle, testa furriata verso destra mentre ll'uocchie, ô cuntrario, songo fisse ncopp’’a chille d’’o spettatore, 'a luce illùmina 'o lato destro d’’a faccia mentre 'o lato senisto sta dint' a ll'ombra. Dint’’e ritratte successive mette sempe nu zòcculo 'e màrmoro 'e sotto cu nu cartelluzzo pittiato c’’a firma e 'a data.

Dint’’o 1470 circa sta a Venezzia addó viene 'n cuntatto c''a pittura 'e Giovanni Bellini. 'O Salvador Mundi è 'a soja primma òpera firmata e datata: Mille simo quatricentessimo sexstage/simo quinto viije Indi antonellus/messaneus me pinxi, ma cchiù probabilmente 'o facette dint’’ô 1470.

Turnato a Sicilia, pitta 'o Polittico 'e san Gregorio. D’’o 1474 è l'Annunciazione dû Musejo Bellomo 'e Sarausa, addó 'o spazzio nun è aunificato p''a pruspettiva, ma 'a na fina graduazzione 'e luce.

D’’o stisso anno è 'o San Girolamo dint’’o studio, sarvato â National Gallery 'e Londra.

Dint’’o 1475 accumencia ll'ato piriodo venezziano nzina a ll'autunno d’’o 1476. Studia 'a fiùra umana sia pe quanto riguarda ll'anatumìa che ll'espressivitate, derivate d’’a sperienza belliniana e pierfrancescana.

D’’o 1475 è lEcce Homo d’’o Collegio Alberoni 'e Piacenza firmato e datato: 1473 Antonellus Messaneus me pinxit. D’’o stisso anno songo: 'A Crucifissione d’’a National Gallery 'e Londra, firmata e datata: 1475/antonellus messaneus/me pinxit; 'o Ritratto d'uommene d’’a National Gallery 'e Londra; 'a Pietà d’’o Musejo Correr; 'o Ritratto d'uommo, chiammato '’’O Cunnuttiero ca sta 'int'ô Louvre; 'o Ritratto d'uommene d’’a Gallerìa Borghese e la Madonna col Bambino d’’a National Gallery 'e Washington.

Nfra 'o 1475 e 'o 1476 pittaje 'a Pala 'e san Cassiano, mo a Vienna, òpera mutilata 'e cui rèsteno 'a Vèrgene ncopp’’o trono e quatto sante a miezo busto.

Nfra 'o 1475 e 'o 1478 pittaje 'a Pietà d’’o Musejo d'ô Prado. D’’o 1476 (chiù o meno) è 'o San Sebastiano'’’e Dresda.

Nfra 'o 1476 e 'o 1478 fa 'o Cristo â culonna d’’o Louvre. Aroppo ca riturnaje a Sicilia, fa dint’’ô 1476 ll'Annunziata'’’e Palermo cugliuta dint’’ô mumento ca l'àngelo se nne jeva. Murette a Messina dint’’o 1479.

'E libbre ca parlano d'isso

AA.VV., Antonello a Napoli, Milano 2001.
AA.VV., Antonello da Messina, catalogo d’’a mostra ca se tenette a Messina, 1981.
C. Acidini e A. Paolucci, Antonello agli Uffizi, Firenze 2002.
G. Barbera, Antonello da Messina, Milano 1998.
R. Cassanelli, La bottega dell’artista tra Medio Evo e Rinascimento, Milano 1998.
F. Sricchia Santoro, Antonello e l’Europa, Milano 1986.
S. Tramontana, Antonello e la sua città, Palermo 1999.