Andorra è nu stato 'e l'Europa sud-occidentale ca sta 'ind"e Pirenei, ntra 'a Franza e 'a Spagna. Andorra è nu principato retto 'a ddoje coprincipe:'o vescovo d"a diocese spagnola 'e Urgell e 'o presirente d"a Repubbreca franzese,
Storia
Andorra è stata sempe isulata pecchè nun tene 'o mmare e sta 'mmiezzo 'e muntagne:'nfatte fuje coinvolgiuta sulo parzialmente 'int"e uerre munniale e europee, dato 'o suojo isolamiento. Andorra, è ll'uneco (nzieme a San Marino) paese cu ddoje cape 'e stato 'nzieme. Data 'a soja pusizzione isulata, Andorra se è truovata â fora d"o curso principale d"a storia europea, cu poche ligame cu nazzione divierse 'a Francia e Spagna. Ma cchiù verzo mmò è cose stanno cagnanno: 'a suoja sciurente innustria turisteca, 'nzieme 'o sviluppo d"e traspuorte e vie 'e comunicazzione, hanno togliuto 'o paese 'a ll'isulamiento. 'O suojo sistema puliteco è cchiù muderno mmò; ô 1993 è nu cumponente 'e chino diritto d"e Nazziune Aunite e d"o Cunsiglio d'Europa.
Giugrafia
Pusizzione
Andorra cunfina a Nord e a Est cu 'a Franza e a Ssud e Ovest cu 'a Spagna. È nu stato ca nun tocca ô mmare.
Ammesura
Andorra p 'o stato cchiù gruosso nfra 'e 6 microstate d'Europa (ê ate songo San marino, Liechtenstein, Cità d"o vaticano, Monaco e Malta.'E centre abetaste songo El Serrat, Mas d'Alins, Bixessari e Paz de la Casa.
Autezza
'A autezza cchiù auta è Coma Pedrosa ca ha 2.942 metre, e a cchiù vascia è 'o Conflent d"o riu Runer ca sta a 820 metre ê autezza.
'A ggente
'E andorrane songo na minuranza 'int"o loro stato: sulo 'o 39 % dda pupulazzione è 'e cittadinanza andorriana. 'O sicondo gruppo cchiù gruosso 'e straniere songo 'e spagnole (31%), cu portoghesi (20%) e franzesi (8%) ca songo 'e gruppe cchiù gruosse. 'O 6 % ca remane songo 'e ate nazziunaleta. Mmò vivono 84.480 (2008) abetante; 'a denzità 'e pupulazzione d"o stato (assaje irregulare) è 'e 164 ab./km².
Religgione
A Andorra nce sta quase tutte cuattuolici pecchè sta vicino â cattuolicissima spagna.
Lengua
Int'ô stato 'e Andorra se parla catalano cumme lengua ufficiale, ma ce stanno tanta llengue comm' o spagnolo, franzese e portoghese songo parlate a assaje ggente. 'A andorra parlano catalano 57.395 perzone e ate 4.618 'o capenno, quinne 62.013 perzone capinno o parlano 'o catalano 'a copp"a 69.150 abetante.
l'Economia se basa 'ncopp'o turismo ca è 'o prencepale pilastro d"a sciurente economia 'e Andorra ca è 'o 80 % d"o PIL.Assaje turiste (cchiù o mmeno 9 miliune) vengono accà pe 'o turismo 'e velliggiatura invernale ma pure d"a staggione.
.svg)