Element kimiku huwa sustanza pura magħmula minn tip wieħed ta’ atomi, li jikkaratterizzawh u jiddistingwuh mill-elementi l-oħra bin-numru atomiku (Z).

L-elementi jistgħu jidhru taħt forom diversi:

• taħt forma monoatomika: il-gassijiet nobbli (He, Ne, Ar, Kr, Xe, Rn).
• taħt forma molekulari: dawn huma xi eżempji H₂, N₂, O₂, O₃, F₂, P₄, S₈, Cl₂, Br₂, I₂.
• taħt forma ta’ ġabra kontinwa (kristallina jew amorfa) ta’ atomi marbutin b’mod kovalenti: pereżempju C, Si, B, Sb.
• taħt forma metallika: il-biċċa kbira ta’ l-elementi huma metalli, pereżempju, il-ħadid, is-sodju, id-deheb, il-kalċju, l-uranju .

L-istess element jista’ jeżisti f’forom allotropiċi differenti bħad-djamanti u l-graffit, li fihom il-karbonju għandu strutturi kristallini differenti jew l-ossiġenu diatomiku O₂ u l-ożonu O₃, li huma differenti fl-istruttura molekulari.
L-elementi ġew klassifikati fit-Tavla perjodika, strument tas-sintesi estremament qawwi.

L-atomi ta’ l-istess element jista’ jkollhom numru tal-massa (A), jiġifieri numru ta’ nuklejuni, differenti. Dawn il-varjetajiet differenti jissejħu isotopi, billi għandhom l-istess post fit-tavla perjodika.
L-elementi li jinstabu naturalment fi-Dinja huma 94 (mill-idroġenu sa l-uranju mingħajr it- teknezju u l-promezju) li minhom 80 għandhom almenu isotopu stabbli wieħed. Sa issa jistgħu jinħolqu 24 oħra artifiċjalment, u għalhekk b’kollox nafu b’118 element. L-element l-iżjed tqil hu l-oganesson bin-numru atomiku ta’ 118.

Hawn taħt nagħtu tabella li tiġbor fiha xi informazzjoni fuq l-elementi, irranġati skond in-numru atomiku.