Matariki
He kāhui whetū e whitu a Matariki, e mōhiotia nei ko Πλειάδες Pleiades i te reo Kirihi. I ia hōtoke, ko te putanga mai o Matariki me Puanga hei whakaatu mai kua pau te tau tawhito, kua tīmata he tau hou. Mai rā anō, ko te putanga mai o Matariki he wā whakanui, he wā whakatikatika hoki mō te tau hou. E rua ngā whakamārama mō te ingoa o Matariki - tuatahi, ko ngā mata riki; tuarua, ko ngā mata o te ariki.
I ngā rā whakamutunga o Haratua i ia tau, ka maiangi ake tēnei rāngai whetū i mua tata tonu atu i te aonga ake o te rā. Ko ngā whakanuitanga i tōna taenga mai ka tīmata i te putanga o te kōwhiti i te marama i muri tonu mai. He wā whakareri a Matariki i te whenua. I waenganui o te hōtoke i te wā o Matariki, e ua moe kē ana te whenua. Ka whakatōngia he hua whenua hei koha ki ngā atua o te whenua, ki a Rongo mā. Ka tata te kōanga te tae mai, kāhore atu he wā i te wā o Matariki hei whakatakoto kaupapa mō te whenua, mō ngā mahi whenua hoki o te kōanga āianei. He wā pai hoki hei ako i ngā āhuatanga o te whenua me te ngahere.
Ka tīmata a Matariki i te mutunga o te kokotitanga, nō reira, kei te ranea rawa atu ngā oranga. Kāhore anō ngā kūmara me ērā atu kai pērā kia kohia noatia. I te wā o Matariki, he huhua ngā moki me ngā korokoro. He wā pai mō te kohi pikopiko me ngā kākano hoki. Engari, ko ētahi kai katoa atu, kua oti kē te kōtutu, kī puru ana ngā pātaka. He hoatu takoha te mahi ki ngā manuhiri, he tuna me āta kōtutu, he manu, he aha, he aha. He wā tohatoha a Matariki, he wā tāpae takoha ki ētahi atu.
Ki ētahi, ko Matariki hei tamāhine ki a Raumati, tama a te rā. Ki ētahi iwi, ka riro mā Puanga kē e whakaatu te tīmatanga o te tau.
Ngā rā e eke ai
- 27 Pipiri 2006
- 16 Pipiri 2007
- 5 Pipiri 2008
- 24 Pipiri 2009
- 14 Pipiri 2010
- 4 Pipiri 2011
- 21 Pipiri 2012
- 10 Pipiri 2013
- 28 Pipiri 2014
- 18 Pipiri 2015
- 6 Pipiri 2016
- 25 Pipiri 2017
- 15 Pipiri 2018
- 5 Pipiri 2019
- 22 Pipiri 2020
- 24 Hune 2022
- 14 Hurae 2023
- 28 Hune 2024
- 20 Hune 2025
- 10 Hurae 2026
Hoto ki waho
Tohutoro
- Te Taura Whiri i Te Reo, Matariki, Te Whetū o Te Tau: Aotearoa Pacific New Year, 2001.
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.