Sakaraha
| Sakaraha | ||
| ||
| Velarantany | NC | |
| Haavo | ||
| Isan'ny mponina | 31 183 | |
| Ben'ny tanàna | NC | |
| Firenena |  Madagasikara
| |
| Fanjakana | NC | |
| Faritany | Toliara | |
| Faritra | Atsimo-Andrefana | |
| Tanàna mifanolo-bodirindrina | NC | |
I Sakaraha dia kaominina malagasy ao amin' ny distrikan' i Sakaraha, Faritra Atsimo-Andrefana, Faritanin' i Toliara. Ny isan' ny mponiny dia 31 183 araka ny faminavinana natao tamin' ny taona 2018. Ny kaodin-kaominina dia 51201 ary ny kaodin-distrika dia 512.
Andalovan' ny lalam-pirenena faha-7 mampitohy an' i Toliara sy Antananarivo izy, 134 km miala an' i Toliara, 64 km miala an' Andranovory ary 84 km miala an' Ilakaka. Maherin' ny 50 %n' ny mponina no tantsaha ary efa ho 30 % no mpiompy.
Toekarena
Ny fambolena
Ny 5 % amin' ny tantsaha no mampiasa zezika simika. Ny mangahazo no entana lafo vidy indrindra. Ny landihazo no entana faharoa lafo vidy indrindra. Ny mangahazo no zava-bolena lehibe indrindra amin' ny lafin' ny velaran-tany. Ny vary no vokatra fahatelo lafo vidy indrindra. Ny vomanga na bele na bageda no zava-bolena faharoa lehibe indrindra amin' ny lafin' ny velaran-tany. Ny 50 % amin' ny mponina no miasa tany.
Ny fiompiana
Ny 30 % amin' ny mponina no miompy. Miisa 17 265 ny omby ompiana ao. 400 ny isan' ny kisoa.
Asa hafa
Ny 20 % % amin' ny mponina no miasa amin' ny sampan-draharaha. Misy tsena isan' andro ny any.
Fitrandrahana harena an-kibon' ny tany
Misy fitrandrahana harena an-kibon' ny tany ny ao Sakaraha. Nitombo ny toekaren' i Sakaraha tamin' ny fitrandrahana safira. Anisan' ny lehibe indrindra eran-tany ny tahirin-tsafiran' i Sakahara. Na ilay Saodiana atao hoe Mohamed Jamal Khalifah, vadin' ny anabavin' i Osama bin Laden, dia nanana toeram-pitrandrahana vato sarobidy tsy lavitra an' i Sakaraha. Nankany izy mba hitsidika izany ary novonoin' ny jiolahy miisa 30 eo ho eo tao tamin' ny 31 Janoary 2007.
Ny orinasa Madagascar Southern Petroleum Company (MSPC) dia nahita etona voajanahary tany akaikin' i Sakaraha tamin' ny taona 2011.
Fitaterana
Ny fiara lehibe no fitaovam-pitaterana ampiasaina matetika indrindra. Maharitra 2 ora ny dia mankany amin' ny renivohi-paritany. Ahitana lalana godorô ny ao amin' ilay kaominina. Maharitra 3 ora ny faharetan' ny fitaterana mankany amin' ny tanàn-dehibem-paritany amin' ny andro fahavaratra. Azo aleha mandavan-taona ny lalan-tany. 15 000 Fmg (na 3 000 Ariary) ny saran-dalan' ny olona tokana mankany amin' ny tanàn-dehibem-paritany amin' ny andro fahavaratra. 15 000 Fmg (na 3 000 Ariary) ihany koa ny saran-dalan' ny olona tokana mankany amin' ny tanàn-dehibem-paritany amin' ny maintany.
Fitantanana
Hita ao ny masoivohon' ny ministeran' ny fiompiana, ny masoivohon' ny ministeran' ny fahasalamana, ny masoivohon' ny ministeran' ny rano sy ny ala, ny masoivohon' ny ministeran' ny asa tany, ny masoivohon' ny ministeran' ny fiarovana (ahitana miaramila ao amin' ilay kaominina ary misy zandary sy pôlisy), ny masoivohon' ny ministeran' ny fanabeazana, ny masoivohon' ny ministeran' ny mponina, ny masoivohon' ny ministeran' ny angovo ao amin'ilay tanàna, ny masoivohon' ny ministeran' ny asa vaventy.
Fizahan-tany sy tontolo iainana
Eo amin' ny fizahàntany sy ny tontolo iainana dia azo atao ny mitsidika ny Valan-javaboarim-pirenena Zombitse-Vohibasia noho ny fisian' ny Madagascar National Parks (MNP) izay nantsoina taloha hoe Association Nationale de la Management of the Protected Areas (ANGAP). Any amin' ny 20 km avaratra-atsinanan' ny tanànan' i Sakaraha no misy ilay valan-javaboary, 150 km miala ny tanànan' i Toliara, 90 km any andrefan' ny Valan-javaboarim-pirenena Isalo. Izy io dia noforonina tamin' ny taona 1997 ary manana velarana 360 km2 eo ho eo. Misy karazana gidro maromaro ny ao ary saika ny antsasaky ny karazam-borona rehetra eto Madagasikara no hita any. Ala maina no manjaka ao.
Ny fotodrafitrasa sy ny sôsialy
Fitaterana
Ahitana fikambanan-tantsaha ao. Tongan' ny lalam-paritra ilay tanàna sady andalovan' ny lalam-pirenena faha-7. Ijanon' ny taksiborosy ilay kaominina. Ahitana hôpitaly na toeram-pitsaboana ary tobim-pahasalamana ao.
Fampianarana
Misy fianarana ambaratonga faharoa (lisea) sy sekoly ambaratonga fototra. Ahitana kolejy ao amin' ilay tanàna. Ny Jiro sy Rano Malagasy (JIRAMA) no manome ny jiro. Misy biraom-paositra ao.
Fari-piainana
Ny 40 % amin' ny mponina no atao hoe mahantra ka ny 5 % no tena mahantra dia mahantra. Ny halavan' ny vanim-potoana mety hahalanian' ny vokatry ny taon-dasa dia 5 volana. Ny 5 % amin' ny mponina no atao hoe manan-karena. Ny 50 % amin' ny mponina no manana fari-piainana antonontonony.
Tsy fandriam-pahalemana
Niisa 19 isan' ny vono olona tanatin' ny taona 1999-2001. Ao amin' ny atao hoe faritra mena ilay kaominina. Niisa 5 ny isan' ny vakitrano tanatin' ny taona 1999-2001. 2 no isan' ny mpamono olona tratra tanatin' ny taona 1999-2001.
Jereo koa
- Kaominina ao amin' ny Distrikan' i Sakaraha: Sakaraha, Ambinany, Amboronabo, Andamasiny Vineta, Andranolava, Bereketa, Mahaboboka, Miary Lamatihy, Miary Taheza, Mihavatsy, Mitsinjo ary Mikoboka.
- Distrika ao amin' ny Faritra Atsimo-Andrefana: Distrikan' Ampanihy,Distrikan' Ankazoabo, Distrikan' i Benenitra, Distrikan' i Betioky-Atsimo, Distrikan' i Beroroha, Distrikan' i Morombe, Distrikan' i Sakaraha, Distrikan' i Toliara I, Distrikan' i Toliara II
Rohy ivelany
- ilo.cornell.edu - Statistika momba ny kaominina malagasy ary loharanom-pahaizana namoronana an'ity lahatsoratra ity.
 |
I Wikimedia Commons dia manana aino aman-jery mikasika an'i : Sakaraha |
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.