Wale
- Dit artikel is gesjreve in 't Norbiks. Ómdat 't plaatsgebónge is, maogs doe 't ómzètte nao 't Lontzener, es te dit dialek sjpriks.
- Dit artikel gèèt över 't dörp van de Britsje Eilen; vör 't volk in Belsj, kiekt: Walloniërs.
Walhorn of Wale is 'n dörp in de gemèngde Lontzen in de Duutsjtalige Gemeensjap. Rabotrath en Astenet hure bie Wale. Allewiel dörkruse de ottobaan A3 (E40) en d'r daoaan parallel lopende TGV van Thalys de plaatsj.
Historie
Wale waor in de middelieëwe 'n hoofdplaatsj in 't hertogdom Limburg, doe keuningsdomein Harna. De plaatsj waoërt in 888 dör Lotharius ll vermeld. In 1072 sjoonk keizer Hendrik IV. d'r keuningshoof an 't Aokener Mariensjtift. D'r hertog van Limburg lieëverde saer 1176 d'r abt va Rolduc (Rode), dae de zörg how över de parochies van 't hertogdom. Rolduc sjtèlde bies 1792 de pesjtuërs en preestere aa. Wale waor bies 1695 moderparochie van de ömliegkende plaatsje, wie Loontze, Raore, Kettenis of Eynatte. Bies 1795 waor Wale èng van de vief hoeëgbaanke in 't Hertogdom Limburg.
D'r in Wale gebaore Nicolaus Wilhelm Beckers waor d'r arts van keizer Leopold I. en waoërt dör dem in d'r adelsjtaand verhaove. Oet Astenet sjtamde Nicolaus Heyendal, prior vanaaf 1706 en van 1712-1731 abt van Rolduc. Zieng vörowwersj waore sjaeëpene en klaerke van de hoeëgbaank. In zieng funktie es abt va Rolduc waor e lid van de Sjtaote van Limburg.
Bekiekenswaeërd
- De romaans-gotische kèrk va Johannes d'r deuper dateert va 1504;
- Aow häöf Danshof, Königshof, Crummelshof, Crutshof of Mutzhof oet d'r 15de, 16de en 17de ieëw;
- D'r kruutswaeg va Johberg;
- Good bewaarde patriciërshoezer va Astenet;
- Kesjtieël Thor mèt jaortal 1700.
Rolduc Platz/Place Rolduc
In februari 2010 kraeg d'r Kirmespley in Wale 'ne Rolduc Platz/Place Rolduc ömdat driej abte va Rolduc oet Wale aafkomstig waore.[1] [2]
Aod keenderversje
In dit oondäögend keenderversje keumt d'r plaatsjnaam Wale väör.
Marie-Katrien, oe gèès-te e-ba?
Nao Wale.
Wat dèès-te dao?
't Keend is kraank.
Wat haat 't da?
'n Hoemel in g'n vot!
Referentie
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.