Sjoppem
- Dit artikel is gesjreve in 't Valkebergs. Ómdat 't plaatsgebónge is, maogs doe 't ómzètte nao 't Voeres, es te dit dialek sjpriks.
Sjoppem (Nederlands: Schoppem) ies 'n gehuch tösje 's-Gravenvoere en S'n Maeëte (Sint-Martens-Voere) in de gemeinte Voere in Belsj Limburg. De nederzètting ies gelege aan 't reveerke de Voor en besjteit oet gedeiltelik ouw häöf en hoezer. 't Achtervoogsel em in de naam geit truuk op heim en dat wies nao Miedelièwse, bewoning. 'n Sjop ies 'ne sumpel opsjlaagplaats, meistal 'n aafdaak op päöl tege 'n geboew, veur (boere)getuug en karre. Op Sjoppem kruus 'ne veldwaeg de Voor via 'n wad.
Bezeenswaerdig
- In de buurt bevingk ziech miedde in 't veld op 'n sjplietsing de Sjteebusjkapel (mèt binne 'n kruus en crucifix). Geboewd van natuursjtein en reste van Romeinse boewmateriale. In 1850 woorte die ter plaatse nao bove gehaold es reste van 'ne Romeinse villa.
- Op 'n krusing van 'ne holle waeg en 'ne veldwaeg tösje de appelgaarde en boewland sjteit de Wiette kapel ouch mèt kruus en crucifix. Bove-n d'n ingank bevinge ziech twiè hertsjes.
- 't Landsjap in de umgeving tuènt zich mèt heuvele, dale en terasse, die eindige bove 'ne graaf (graft). In dees umgeving zouwe ziech ouch de meiste hol waeg van Wes-Europa bevinge. Dat geuf, ouch vanwege de kalkrieke grónd, 'n biezónder flora en fauna. Veural de das ies hie good vertegenwoodigd. Af en toe kump kalksjtein (mergel) bove de grónd. Dae neume ze hie: Gulpener kalk. Dat ies de gróndsjtof veur mès. Um te boewe ies'r neet vas genoeg.
- de Sjoppemer Hèj en bösj en Katterot op de grens mèt Nederland en Norbik.
- Kesjtièl Brook (Hollensj: Altenboek) bevingk ziech bie de Brokerbösj op Brook tösje Norbik en De Vitsje, sjtraot in Voere.
- Ouw häöf en hoezer
- Kesjtièl Oetegrove, vlak bie 't sjpoor. Róntelum liek 'n grach en op de Voor 'n aod watermasjieng (machine de Marly).
Bronvermelding
- Del Vaux, H. 1851. La Découverte du Steenbosch et l'origine de sa chapelle à Fouron-le-Comte. Liège, Desoer
- Nijssen, Jaak 1990 . Die Papiermacherei im Maastricht- Aachener Raum (ca. 1570-1640), insbesondere in Schoppem ('s- Gravenvoeren) in: IPH Yearbook 8, p. 096-116
- Nyssen = Nijssen, J. = Jaak 1963 . Schoppem - Een oud stuk weg in: Heem, tweemaandelijks tijdschrift voor Overmaas - Overmaas Jaarboek - Halle (Brabant) Langohr-Veltmans-Vreuschemen Komitee Band 7 - bedoeld is de Bessemerweg - online in: http://users.skynet.be/fa393867/topony/sgv_Bess/bandh07_1a.html
| |
|---|---|
| Deilgemeintes en dörper: De Plaank · Moelinge · S'n Maeëte · S'n Pieëter · Täöve · Rimmersjdel · Voere | |
| Gehuchte en buurtsjappe: A g'n Eke · Baerg · Brook · De Daal · Dreenk · de Hèj · Katterot · Kètte · Knap · D'r Krindel · Kweente · Maazsjes · Magne Bois · Nurep · Obsinnich · Ottegrove · Paerds · Pensool · Roeje Bösj · Rule · Sjilberg · Sjoppemer Hèj · Sjoppem · Ulvend · Vaoësj · Vaoërzjervaeld · Vitsje · Sinnich · Zjwaan | |
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.